AUDITORIO
O Auditorio de Galicia acolle a estrea mundial de "Enigmas da temporalidade", do compositor galego Juan Vara
Seguindo o costume de estrear cada temporada de abono pezas de compositores actuais galegos, o xoves 13 de marzo, a Real Filharmonía inclúe a obra Enigmas da temporalidade (sobre un poema de Eloy Sánchez Rosillo), do coruñés Juan Vara. A peza volverá soar ao día seguinte no Auditorio de El Escorial, onde a Real Filharmonía inaugurará o Ciclo de Música Religiosa.
COMUNICACIÓN
Falece Felipe Molinero, xefe de prensa do Concello de Santiago
Felipe Molinero Gil, de 46 anos, xefe de Prensa do Concello de Santiago desde 1997, faleceu hoxe en Santiago de Compostela, onde vivía desde hai vinte anos, tras unha longa e penosa enfermidade. Natural de Bilbao, Felipe Molinero integrárase moi activamente na capital galega, onde traballou como xornalista en El Ideal Gallego, antes de entrar a traballar no Concello en 1989 e oito anos máis tarde ser nomeado xefe de prensa.
TRANSPORTES
Máis de 7,7 millóns de viaxeiros empregaron o transporte urbano en 2007
O ano 2007 supuxo o asentamento definitivo da rede de transporte urbano, cos seus distintos operadores: Tralusa, Hermanos Ferrín, Transportes Mosquera e Aucasa. Así o demostra a cifra de pasaxeiros transportados en 2007, que alcanzou os 7.721.901 viaxeiros, 144.480 máis que en 2006, o que supón un incremento do 1,91%.
TURISMO
A lamprea pecha en marzo "Santiago de Compostela. Repetirás"
Máis de vinte restaurantes ofrecen menús e pratos especiais elaborados con lamprea durante todo o mes de marzo, no marco do programa Santiago de Compostela. Repetirás. Ademais, Chef Rivera e Toñi Vicente impartirán obradoiros gastronómicos o 15 e o 29 de marzo.
ALCALDÍA
Catorce procesións, liturxia e músicas do mundo na Semana Santa compostelá
Recuperadas moitas procesións nos últimos anos e con actividades complementarias coma o Festival de Músicas Contemplativas, a Semana Santa tense convertido tamén nun polo de atracción cara a cidade para turistas e veciños. A deste ano terá ata 14 procesións, diversos actos litúrxicos e unha ampla mostra de músicas do mundo.
MULLER
O Concello homenaxea a oito mulleres das ciencias humanas e sociais
Con motivo da celebración, o 8 de marzo, do Día Internacional da Muller, o Concello vai homenaxear a oito mulleres do ámbito das ciencias humanas e sociais. Será o mércores 12 de marzo, ás 20:30 horas, nun acto no Hostal dos Reis Católicos.
CULTURA
A pianista rusa Valentina Igoshina chega a Santiago para acompañar á Real Filharmonía de Galicia
A xoven promesa da música Valentina Igoshina repite un ano despois e volve tocar no Auditorio de Galicia xunto á Real Filharmonía. En 2007 sorprendeu ao público compostelán cunha precisa interpretación do Concerto para piano núm. 21 de Mozart. Nesta ocasión atrévese co Concerto para piano núm. 2 de Prokofiev. Dirixido polo mestre Ros Marbà, o programa complétase coa Pavana para unha infanta defunta e co célebre Paxaro de lume, de Stravinsky.
ALCALDÍA
A comunidade educativa debate sobre democracia e laicidade
A Escola Galega de Administración Pública (EGAP) acolle do 6 ao 8 de marzo os XXIII Encontros de Educación para a Paz, organizados polo Seminario Galego de Educación para a Paz e nos que colabora a Concellería de Educación.
TURISMO
A Organización Mundial do Turismo elixe de novo a Turismo de Santiago para a súa vicepresidencia
A empresa municipal Turismo de Santiago foi ratificada por dous anos máis na vicepresidencia do Consello de Destinos da Organización Mundial do Turismo, que ocupa dende marzo do 2007. A decisión produciuse durante a asemblea que celebra esta axencia especializada das Nacións Unidas en Berlín.
CULTURA
Todos os ámbitos da actuación cultural estarán representados no novo Consello Municipal de Cultura
As concelleiro de Cultura, Néstor Rego, anunciou os pasos que se van dar para a creación do novo Consello Municipal de Cultura. O martes 11 de marzo celebrarase a primeira reunión deste órgano "amplo, aberto e no que caberán todos os ámbitos da actuación cultural".