ALCALDÍA
O alcalde reitera a súa aposta por converter Santiago no eixe das comunicacións de Galicia para así competir con Porto
Unha aposta estratéxica e en clave galega. Así cualificou o alcalde compostelán, Xerardo Conde Roa, a iniciativa de conectar o aeroporto de Lavacolla co AVE. O obxectivo, reiterou unha vez máis, é converter Santiago no "eixe das comunicacións de Galicia", o único modo de que unha terminal galega poida competir coa de Sá Carneiro (Porto).
ALCALDÍA
Cita en Amio para os amantes dos automóbiles e motocicletas de época
O alcalde compostelán, Xerardo Conde Roa, asistiu, xunto coa concelleira de Turismo e Mercados, Reyes Leis, á inauguración de Retro Galicia. II Salón do Vehículo Clásico e de Época, que se celebra do venres 17 ao domingo 19 no Recinto Feiral de Amio.
ALCALDÍA
Encontro cos representantes da Asociación de Antigos Alumnos e Amigos da USC
O alcalde compostelán, Xerardo Conde Roa, reuniuse co vicepresidente da Asociación de Antigos Alumnos e Amigos da USC, Ángel Álvarez Prechous.
CULTURA
A Banda Municipal celebra outro concerto do ciclo de Novos Intérpretes Galegos
A Banda Municipal de Música de Santiago celebra o domingo 19 un novo concerto do ciclo de Novos Intérpretes Galegos, unha das novidades máis interesantes da programación 2011-2012. Este ciclo inclúe sete concertos nos que a Banda Municipal contará ao longo de toda a tempada con sete solistas diferentes.
CULTURA
Erik Truffaz 4tet inaugura o "Jazz in Blue"
Erik Truffaz 4tet inaugura o ciclo Jazz in Blue na nosa cidade o sábado 18, a partir das 21:00 horas, no Teatro Principal. Despois del, dentro deste ciclo estarán Joe Lovano Quartet, o 6 de marzo no Auditorio de Galicia, e The Bad Plus, de novo no Principal o 13 de maio.
EDUCACIÓN
A Escola Infantil Municipal das Fontiñas celebrou o Entroido cunha festa medieval
O alcalde compostelán, Xerardo Conde Roa, e o concelleiro de Educación, Ángel Currás, participaron na festa medieval organizada na Escola Infantil Municipal das Fontiñas con motivo do Entroido.
VÍAS E OBRAS
Arranxado o problema de seguridade provocado polo deterioro das varandas na rúa do Pexigo de Arriba
Atendendo a unha demanda veciñal de hai tempo, a Brigada de Vías e Obras solucionou un problema de seguridade na rúa do Pexigo de Arriba, motivada polo deterioro das varandas das beirarrúas. O concelleiro Juan de la Fuente visitou a zona para comprobar a actuación realizada.
EDUCACIÓN
Visita a Raxoi de 30 escolares británicos
Un grupo de 30 escolares e tres profesores do Hockerill Anglo-European College visitaron o Pazo de Raxoi, onde foron recibidos polo concelleiro de Educación, Ángel Currás.
PARTICIPACIÓN CIDADÁ
O Meco do Entroido é un ano máis unha alegoría sobre a situación económica
O concelleiro de Participación Cidadá, Francisco Noya, presentou o Meco do Entroido 2012. Un ano máis, o boneco é unha alegoría da actual situación económica e representa todos os seus males. O mércores 22 arderá na praza Roxa.
ALCALDÍA
O Eixo Atlántico crea unha comisión para impulsar a intermodalidade entre as infraestruturas de transportes da Eurorrexión
O alcalde compostelán, Xerardo Conde Roa, asistiu á XVII Asemblea Xeral do Eixo Atlántico, celebrada en Monte de Santa Luzia, Viana do Castelo (Portugal). A entidade deu o visto bo a unha proposta súa de constitución dunha comisión para impulsar a intermodalidade na Eurorrexión.