ALCALDÍA
Prosperan as teses do Concello para evitar a execución da sentenza sobre o vieiro Clara Campoamor
O pasado 15 de febreiro, a Sala do Contencioso-Administrativo do Tribunal Superior de Xustiza de Galicia ditou un auto que estima o incidente de inexecución de sentenza promovido polo Concello de Santiago. Deste xeito, dálle a razón ao goberno municipal en relación coa sentenza de 14 de marzo de 2007 que anulou un dos expedientes de expropiación tramitados para a obtención dos terreos destinados ao vieiro Clara Campoamor (Sar-Pontepedriña).
BENESTAR SOCIAL
Nace a páxina web Compostela Integra, un espazo de encontro virtual para os profesionais da acción social
Unha nova web, Compostela Integra, creada pola Concellería de Benestar Social e Igualdade, servirá de punto de encontro e relación dos diferentes profesionais que traballan na área de acción social do Concello de Santiago. Será tanto unha ferramenta de traballo interno entre os compoñentes das distintas redes como unha ponte de comunicación cara o exterior, para informar aos cidadáns sobre as accións que se realizan.
ALCALDÍA
O Consello Económico e Social de Santiago coñece as accións de Campus Vida
O alcalde compostelán, Xosé A. Sánchez Bugallo, presidiu unha nova xuntanza do Consello Económico e Social. Nesta ocasión, os integrantes puideron coñecer de primeira man o proxecto Campus Vida, Campus de Excelencia Internacional, da Universidade de Santiago.
TURISMO
Ferran Adrià participou na primeira xornada do congreso profesional do Fórum
Ferran Adrià, o Fórum Doce e o III Encontro de Bloggers Gastronómicos foron os eventos máis destacados da primeira xornada do congreso profesional do Fórum Gastronómico Santiago 2010. O martes 23 é o día do Fórum Viño.
FÓRUM GASTRONÓMICO
Os amantes da cociña déronse cita en Amio
A xornada do domingo 21 foi a de apertura ao público en xeral do Fórum Gastronómico Santiago 2010 no recinto feiral de Amio. Malia a adversa climatoloxía, milleiros de persoas desprazáronse á sede do Fórum para gozar da oferta dos diversos expositores ou para participar nas actividades do día.
ALCALDÍA
A escola infantil de Tras Parlamento estará lista para o curso 2010-2011
As obras da futura escola infantil de Tras Parlamento, no parque da Constitución, comezarán no mes de abril, co obxectivo de rematalas no verán e de que estea lista para entrar en funcionamento no curso 2010-2011. Esta será a sétima escola infantil da cidade; a seguinte, a de Salgueiriños.
ALCALDÍA
O alcalde inaugurou o Congreso Nacional de Unións Agrarias
O alcalde compostelán, Xosé A. Sánchez Bugallo, deu a benvida aos participantes no Congreso Nacional de Unións Agrarias.
TURISMO
Todo preparado en Amio para o Fórum Gastronómico Santiago 2010
Tras o seu inicio o sábado 20 en espazos monumentais de Compostela, o Fórum Gastronómico Santiago 2010 trasladarase ao Recinto Feiral de Santiago, en Amio. Alí está todo preparado para que entre o domingo 21 e o mércores 24 de febreiro se desenvolva o congreso de cociña decano en Europa.
XUVENTUDE
A Concellería de Xuventude inicia a programación do Club de Rol do Ensanche
A Concellaría de Xuventude inaugura o sábado 20 de febreiro, a programación do Club de Rol para os primeiros meses do ano (febreiro – xullo). Celebrarase un total de oito xornadas, os sábados en horario de mañá e tarde no Centro Sociocultural e Xuvenil municipal O Ensanche. A primeira delas, o Torneo Warhammer 40.000, comezará ás 11:00 horas no centro.
ALCALDÍA
Os 33 proxectos do FEIL permitiron dar emprego a case 900 persoas
O alcalde compostelán, Xosé A. Sánchez Bugallo, e o delegado do Goberno en Galicia, Antón Louro, inauguraron as reurbanizacións acometidas con cargo ao Fondo Estatal de Inversión Local (FEIL) nas rúas Gómez Ulla, Pérez Constanti, Neira de Mosquera, Laverde Ruiz, Santiago de Guayaquil e Curros Enríquez. Nas obras destas seis rúas investíronse 2,4 millóns de euros dos 16,5 que lle corresponderon á cidade.