TRANSPORTES
José Ramón Mosquera, novo xerente en funcións de Tussa
O Consello de Administración da Sociedade Municipal de Xestión do Transporte Urbano (Tussa), presidido polo alcalde, Xosé A. Sánchez Bugallo, designou como director-xerente en funcións a José Ramón Mosquera Ferreiro.
CULTURA
Cineuropa acolle a estrea do documental "Liste, pronunciado Líster"
Un neno de aldea que chegou a xeneral de catro exércitos (o republicano, o ruso, o polaco e o iugoslavo), que naceu co nome de Xesús Liste e morreu co de Enrique Líster. El protagoniza o filme de Margarita Ledo Andión Liste, pronunciado Líster, que será estreado o venres 9 de novembro, ás 21:00 horas, no Teatro Principal, no marco do festival Cineuropa.
CONSORCIO
Comeza a edición de outono do "Compostela Organum Festival"
Entre o 10 e o 25 de novembro tres igrexas da cidade -Universidade, Ánimas, e San Miguel dos Agros- acollerán o ciclo de música Compostela Organum Festival, na súa edición de outono, que completa os concertos anteriores celebrados no mes de maio. Trátase dunha iniciativa estreitamente vencellada ao patrimonio relixioso da cidade e á revitalización dos órganos destes templos, herdeiros dunha tradición musical secular na historia de Santiago.
ALCALDÍA
Os concellos das grandes cidades e a Xunta colaborarán na elaboración da futura Lei Integral de Condutas Aditivas
O alcalde compostelán, Xosé A. Sánchez Bugallo, acudiu xunto cos alcaldes das outras seis grandes cidades galegas a unha xuntanza coa conselleira de Sanidade, María José Rubio. Todos eles expuxéronlle o seu punto de vista respecto ao problema do botellón e ao tratamento que o mesmo debería ter na futura Lei Integral de Prevención, Asistencia e Inserción en Materia de Drogodependencias e outras Condutas Aditivas, que prepara a Administración autonómica.
REFORMA ADMINISTRATIVA
Dous novos rexistros no Ensanche e en Fontiñas achegan a Administración aos cidadáns
O alcalde compostelán, Xosé A. Sánchez Bugallo, acompañado da concelleira de Reforma Administrativa, Rosa Fernández, visitou o Centro Sociocultural do Ensanche, con motivo da súa posta en marcha tamén como rexistro auxiliar para a entrada de documentación. Este novo rexistro, xunto co do Centro Sociocultural de Fontiñas, vén a desconcentrar este servizo, que se achega deste xeito aos cidadáns.
URBANISMO
Emuvissa aproba nove acordos de expropiación do SUNP-14 de Tras Paxonal
A Empresa Municipal de Vivenda e Solo (Emuvissa) celebrou o seu Consello de Administración, presidido polo alcalde, Xosé A. Sánchez Bugallo. Na reunión aprobáronse nove acordos de expropiación con propietarios de terreos no ámbito do Plan de Sectorización do SUNP-14 de Tras Paxonal.
TURISMO
Os responsables turísticos do Camiño de Komanu visitan Compostela
As rutas de peregrinación de Santiago e Komanu emprenderán a súa promoción conxunta en Europa e Xapón, aproveitando o seu carácter de camiños xemelgos nas terras do sol nacente e do solpor.
EMPREGO
Unha xornada expón o traballo realizado en Galicia en materia de muller e emprego
As II Xornadas Técnicas "Muller e Emprego" amosarán as experiencia, posibilidades e propostas de autoemprego nas mulleres con risco de exclusión social. O encontro celebrarase o luns 12 de novembro no Auditorio de Galicia.
ALCALDÍA
Sánchez Bugallo reitera a "lealdade institucional" do Concello coa Cidade da Cultura
O alcalde compostelán, Xosé A. Sánchez Bugallo, compareceu ante a Comisión de Investigación da Cidade da Cultura, no Parlamento de Galicia. Na sua intervención fixo un relato do coñecemento e da participación do Concello no proxecto dende a súa xestación, e reiterou que "a Cidade da Cultura é unha gran infraestrutura cultural de Galicia e a nosa obriga, por lealdade institucional, é a de colaborar plenamente na súa creación".
MOCIDADE
Un novo programa de actividades para a dinamización sociocultural da mocidade compostelá
O concelleiro de Mocidade e Festas, Xosé Baqueiro, presentou o programa de actividades para xóvenes do curso 2007-2008. O calendario de actividades comezará cun concerto de presentación, o xoves 8 de novembro, na Sala Capitol, que contará coa actuación de tres grupos dos Locais Municipais de Música: Mito Escrito, Bronquitis Crónica e Hyde. A asistencia é de balde, a partir das 21:30 horas.