CULTURA
Compostela volverá a ser en outubro a capital internacional dos monicreques
Do 1 ao 7 de outubro celebrarase en Compostela a XII edición de Galicreques, o Festival Internacional de Títeres. A celebración desta nova entrega do evento é posible grazas ao convenio de colaboración asinado entre o concelleiro de Cultura e Centros Socioculturais, Néstor Rego, e Jorge Rey, da Asociación Cultural Barriga Verde, polo que o Concello achegará 15.000 euros.
ALCALDÍA
Todos os aparcadoiros públicos en réxime de concesión cobrarán por minuto a partir de setembro
Na súa última rolda de prensa antes das vacacións, o alcalde compostelán, Xosé A. Sánchez Bugallo, informou que queda pendente de aprobación, para unha vindeira Xunta de Goberno no mesmo mes de agosto, a modificación do réxime tarifario dos aparcamentos públicos xestionados en réxime de concesión administrativa. En calquera caso, segundo dixo, a adaptación ao novo réxime de tarifas por minuto vai supor unha subida media dun 1,5% nos prezos.
ALCALDÍA
Néstor Rego e Mar Martín asumirán a Alcaldía en funcións en ausencia de Sánchez Bugallo
O alcalde, Xosé A. Sánchez Bugallo, deixa as súas funcións por vacacións entre o 9 e o 23 de agosto. Neste período, asumirán a alcaldía accidental Néstor Rego e Mar Martín.
CENTROS SOCIOCULTURAIS
O Centro Sociocultural de Conxo continúa coas súa actividades tamén en agosto
Agosto tamén é un mes cheo de actividades no Centro Sociocultural de Conxo, con especial atención ás destinadas aos máis novos. Ao longo das semanas sucederanse distintos talleres, xogos, actividades deportivas, exposicións e excursións.
ALCALDÍA
O Concello encomendará o mantemento dalgún dos novos parques públicos a persoas con discapacidade
O presidente da Confederación Galego de Minusválidos, Anxo Queiruga, mantivo un encontro co alcalde compostelán, ao que lle plantexou algúns dos temas que preocupan á entidade. Sánchez Bugallo expresoulle a disposición municipal a traballar nestes temas e a ampliar mesmo esa colaboración a outros temas. Así, anunciou que antes de fin de ano, persoas con discapacidade poderán ocuparse do mantemento dalgún dos novos parques públicos da cidade.
INFRAESTRUTURAS
Adxudicadas as obras de urbanización da rúa Berlín, en Fontiñas
A Xunta de Goberno adxudicou as obras de urbanización da rúa Berlín, en Fontiñas, por un importe de 1.599.630 euros e un prazo de execución de tres meses. As obras afectarán aos vieiros, ás beirarrúas e mesmo ao mobiliario. A principal novidade será a creación dun carril para bicicletas.
BENESTAR SOCIAL
Visto bo á cesión gratuíta da parcela para a construción da nova residencia para terceira idade en Pontepedriña
O Goberno local adoptou o acordo de cesión polo que se cede unha parcela de 4.650 metros cadrados para a construción dunha nova residencia da terceira idade en Pontepedriña. Esta superficie pasará á titularidade da Vicepresidencia da Igualdade e do Benestar, que a porá a disposición da Fundación José Otero-Carmela Martínez para a edificación do centro.
PROMOCIÓN ECONÓMICA
O obradoiro de emprego "Compostela Natural" recibe unha subvención de 1,17 millóns de euros
Na Xunta de Goberno celebrada o 6 de agosto, deuse conta da concesión dunha subvención de 1.177.070 euros para a realización do proxecto do obradoiro de emprego "Compostela Natural". Este proxecto inclúe dúas actuacións: a recuperación ambiental e do cauce das ribeiras do río Sarela e a construción do albergue de cabalos "Monte do Gozo".
BENESTAR SOCIAL
Comeza a redacción do I Plan Municipal de Servizos Sociais para o período 2007-2011
O Goberno local adxudicou á empresa Cidadanía a redacción do I Plan Municipal de Servizos Sociais para o período 2007-2011. Nesta redacción investiranse 66.750 euros, que servirán para trazar os escenarios futuros e mellorar a atención á cidadanía nesta materia.
DEPORTES
Máis dun millón de euros para o novo campo de fútbol de San Lázaro
Nun prazo duns 10 meses estará lista a nova área deportiva de San Lázaro na súa fase primeira, na que se investirán 1.121.821 euros. O Goberno local adxudicou estas obras, que dotarán ao barrio dun novo campo de fútbol, provisto de gradas, vestiarios, un aparcadoiro de 69 prazas e unha pequena dársena de autobuses.