TURISMO
Cento trece tapas compiten por ser a mellor de Santiago
A Concellaría de Promoción Económica e Turismo presentou o Tapasporte, no marco do I Concurso de Tapas de Santiago de Compostela SANTIAGO(é)TAPAS. Esta ferramenta propón 5 (é)TAPAS gastronómicas, rutas que agrupan aos 45 estabelecementos de hostalaría que participan no concurso e que, entre o 28 de xuño e o 13 de xullo, competirán por ofrecer a visitantes e composteláns as súas mellores elaboracións en forma de tapa.
MOCIDADE
Boa acollida entre o público da primeira edición do "MúsicaXove"
O concelleiro de Mocidade de Santiago, Xosé Baqueiro, realizou un balance do I Certame MúsicaXove´08 e mostrou a súa satisfacción por como se estaba a desenvolver e a boa acollida que tiña entre a mocidade de Santiago, que un venres tras outro acudía a Sala Capitol para gozar coa música dos grupos participantes no concurso. Cualificou esta actividade como unha boa alternativa de ocio ao botellón.
PLENO
Olga Pedreira tomou posesión como concelleira
A nova concelleira de Rehabilitación e Cidade Histórica, Olga Pedreira, tomou posesión da súa acta de concelleira no Pleno Municipal. A numero 5 nas listas do BNG nas últimas eleccións municipais ocupa a vacante deixada por Néstor Rego tras a súa renuncia.
URBANISMO
Santiago, escollida como referente de vivenda social na primeira xuntanza do URBACT
Xosé A. Sánchez Bugallo, deu inicio de maneira oficial ao programa do URBACT, no Centro de Estudos Avanzados da USC, onde os representantes das cidades de Nantes, Medway, Siemianowice Slaskie, Rennes e Albacete mostráronse moi interesados en coñecer as políticas de vivenda que se están desenvolvendo en Santiago. O representante da Secretaría europea do Programa URBACT, Raffaele Barbato, afirmou que Compostela fora "escollida para liderar este programa pola súa ampla experiencia no planeamento e xestión de vivendas protexidas,...
MOCIDADE
O club de rol do Centro Sociocultural do Ensanche comeza a funcionar con partidas e obradoiros sobre o xogo
O concelleiro de Mocidade, Xosé Baqueiro, anuciou que o venres 27 constituirase no Centro Sociocultural e Xuvenil do Ensanche o Club de Rol.
TURISMO
Créase o Consello Sectorial de Turismo
Na sesión ordinaria do Pleno Municipal acordouse por unanimidade a constitución do Consello Municipal Sectorial do Turismo e aprobouse o seu regulamento. Este será un órgano colexiado de participación que servirá de canle de participación e diálogo dos interlocutores sociais no desenvolvemento da política turística do Concello de Santiago.
DESENVOLVEMENTO SUSTENTÁBEL
Santiago únese á Rede Galega de Concellos pola Sustentabilidade
O Concello de Santiago ten manifestado a través das súas políticas o seu compromiso coa sustentabilidade. Nesta liña, o Pleno da Corporación municipal aprobou por unanimidade a solicitude de adhesión da nosa cidade á Rede Galega de Concellos pola Sustentabilidade.
BENESTAR SOCIAL
Benestar Social atendeu case 10.000 demandas e xestionou máis de 2.000 prestacións en 2007
A concelleira de Benestar Social, Mar Martín, presentou a memoria da Concellería de Benestar Social correspondente ao 2007. Neste período, o departamento atendeu 9.654 demandas a través dos seus Puntos de Atención de Servizos Sociais, situados no Centro de Servizos Sociais, en Galeras, e nos centros socioculturais de Vite, Conxo, Fontiñas, A Trisca e O Ensanche.
ALCALDÍA
O alcalde preside a primeira xuntanza do proxecto europeo de vivenda social URBACT
O xoves 26 de xuño, o alcalde, Xosé A. Sánchez Bugallo, dará inicio de maneira oficial ao programa do URBACT, no Centro de Estudos Avanzados da USC. Na xuntanza deste proxecto, que lidera Santiago, participarán expertos das cidades de Hamburgo, Nantes, Medway, Siemianowice Slaskie, Rennes e Albacete. Por parte da Secretaría europea do Programa URBACT asistirán Raffaele Barbato e a experta Heidrun Feigefeld.
EDUCACIÓN
Sorteadas as doce prazas do Concello para participar no programa "Vivir Zaragoza"
Nun acto celebrado no Salón de Plenos de Raxoi, elixíronse mediante sorteo os doce nenos e nenas de 10 a 14 anos que participarán no programa "Vivir Zaragoza". Estas prazas son as que corresponden ao Concello dentro desta iniciativa, convocada pola Deputación da Coruña.