AEROPORTO
As obras da nova terminal de Lavacolla comezarán antes do remate de 2007
O alcalde compostelán, Xosé A. Sánchez Bugallo, reuniuse co director do Aeroporto de Lavacolla, Juan José Maceira, e co director da Zona Aeroportuaria Norte, Jesús Villarroel. Na xuntanza abordouse a cuestión da nova terminal aeroportuaria e confirmouse a intención de AENA de comezar as obras este mesmo ano 2007. O proxecto do novo edificio será presentado en Compostela no mes de abril.
TURISMO
Compostela e QuFu avanzan na súa colaboración
Unha delegación de arquitectos, enxeñeiros e historiadores da cidade chinesa de QuFu foi recibida en Raxoi polo alcalde compostelán, Xosé A. Sánchez Bugallo, e polo concelleiro de Turismo, Francisco Candela. Esta visita forma parte da colaboración entre estas dúas cidades irmandadas, ámbalas Patrimonio da Humanidade. O Concello de Santiago supervisa a reordenación turística e patrimonial de QuFu.
PROMOCIÓN ECONÓMICA
"De compras por Compostela", unha visión artística de presente e de futuro do comercio local
Os concelleiros de Cultura, Néstor Rego, e de Promoción Económica e Comercio, Xosé Manuel Iglesias, acompañados de representantes das asociacións de comerciantes da cidade, inauguraron na Praza Roxa a exposición "De compras por Compostela". A mostra, composta por vinte fotografías dun metro cadrado de superficie cada unha, reflicte a través dunha visión artística de presente e de futuro o dinamismo do comercio compostelán. A exposición clausurarase o 9 de abril.
NORMALIZACIÓN LINGÜÍSTICA
Máis de 27.000 euros para accións de normalización do galego
O concelleiro delegado de Política Lingüística presentou a convocatoria de subvencións ás entidades sen fin de lucro para apoiar as súas accións de normalización da lingua galega. En total, repartiranse 27.600 euros e a cantidade máxima á que pode acceder cada entidade é de 1.800 euros.
ALCALDÍA
Compostela, tamén un referente tecnolóxico
O alcalde compostelán, Xosé A. Sánchez Bugallo, recibiu ao presidente de Blu:sens, José Ramón García. Este explicoulle os proxectos da empresa compostelá, fabricante de electrónica de consumo.
ALCALDÍA
"O debuxo por diante" descobre o valor desta manifestación artística en cinco espazos da cidade
Do 13 de marzo ao 29 de abril, poderase contemplar en varios espazos da cidade a exposición "O debuxo por diante". Esta mostra pretende por en valor esta manifestación artística, presentándoa coma unha ferramenta indispensable para coñecer a arte contemporánea de todos os tempos.
CONSUMO
A seguridade alimentaria, protagonista da segunda charla conmemorativa do Día Mundial do Consumidor
Os actos de celebración do Día dos Dereitos das Persoas Consumidoras e Usuarias continúan o mércores 14 cunha charla sobre a seguridade alimentaria. O coloquio terá lugar no Centro Sociocultural do Ensanche ás 20:00 horas, e nel intervirán a presidenta da Federación de Euroconsumo Galicia, Aurora Lamas, e a doutora en Bioloxía Patricia Reboredo.
VIVENDA
Emuvissa adxudica as obras do SUP-7 de Pontepedriña e o último bloque de vivendas do SUNP-1 de Meixonfrío
Baixo a presidencia do alcalde compostelán, Xosé A. Sánchez Bugallo, celebrouse esta mañá no Pazo de Raxoi o Consello de Administración da Empresa Municipal de Vivenda e Solo (Emuvissa), no que se adxudicaron o concurso para a execución das obras do SUP-7 de Pontepedriña e as vivendas que restaban por construír no SUNP-1 de Meixonfrío.
PROMOCIÓN ECONÓMICA
Setenta e oito comercios ofrecerán os seus saldos en "Outlet Compostela"
O concelleiro de Promoción Económica e Comercio, Xosé Manuel Iglesias, presentou a primeira feira de saldos que se celebrará en Santiago, incluída no programa de dinamización comercial "Marzo, mes do Comercio". En "Outlet Compostela", que terá lugar o fin de semana do 17 e 18 de marzo no recinto feiral de Amio, participan 80 stands pertencentes a 78 comercios. Todos os cidadáns que queiran asistir dispoñen de autobuses gratuitos que sairán cada hora desde a Praza de Galicia coincidindo cos horarios de...
EMIGRACIÓN E INMIGRACIÓN
Teresa Regúlez reúnese coa comunidade compostelá en Caracas
A concelleira de Emigración e Inmigración, Teresa Regúlez, mantivo un encontro cos santiagueses residentes en Caracas na sede da Fundación Ramón Rubial Españoles en el Mundo de Venezuela. Con eles falou sobre as accións en materia de emigración e tratar de encamiñar ou dar reposta ás súas necesidades.