TURISMO
Santiago e Xirona asinan un convenio de promoción turística
O Fórum Gastronómico Santiago’08 foi escenario da sinatura dun convenio de colaboración entre Turismo de Santiago de Compostela e o Padroado de Turismo Costa Brava-Xirona. Ambas cidades colaborarán na súa promoción turística por seren sedes alternativas da celebración anual deste evento gastronómico.
COMERCIO
Máis de 70 comercios preinscribíronse xa en Compostela Outlet 2008
Máis de 70 comercios formalizaron xa a preinscripción para participar en Compostela Outlet. II Feira do Comercio polo miudo. A feira de saldos, que se celebrará no recinto feiral de Amio, desenvólvea a Concellaría de Promoción Económica, Emprego, Comercio e Turismo co obxectivo de axudar aos estabelecementos de venda polo miudo a liberar as existencias de temporada.
DEPORTES
O informe de xestión dos complexos deportivos municipais deixa un balance positivo
A empresa Xestión de Actividades Deportivas e Espectáculos (XADE), responsable do Complexo Deportivo de Santa Isabel e do Multiusos do Sar, presentou o informe da xestión do 2007 e o orzamento previsto para 2008. O documento foi presentado durante o consello de administración presidido polo alcalde, Xosé A. Sánchez Bugallo.
TURISMO
Premio para os produtos máis innovadores no Fórum Gastronómico
Unha vintena de produtos gastronómicos competiron por ser o máis vangardista nos Premios InnoFórum, que se entregaron nunha nova xornada do Fórum Gastronómico. O viño foi protagonista na segunda entrega do congreso profesional, na que expertos enólogos o maridaron con ostras, queixo ou chocolate.
PERSOAL
O Concello investirá 120.000 euros no seu Plan de Formación Continua
O Plan de Formación Continua 2008 do Concello contará cun orzamento de 119.905 euros, dos que 110.912 destinaranse a formadores e 8.992 a medios e material didáctico.
EDUCACIÓN
Educación leva unha ludoteca itinerante ás escolas rurais de Compostela
Tamén en materia de Educación, a Xunta de Goberno deu o visto bo ao plan de dinamización das escolas rurais de Compostela, realizado a través da ludoteca itinerante Troularte. Este programa de animación sociocultural para nenos e nenas de idades comprendidas entre os 6 e os 12 anos. O seu orzamento para o seu desenvolvemento, ata xuño de 2008, é de 8.865 euros.
SERVIZOS
Novas tarifas para o tanatorio de Boisaca
Veñen de aprobarse as novas tarifas pola utilización do tanatorio de Boisaca. Os prezos rexistran un incremento do 7%, derivado a aplicación da subida do Índice de Prezos ao Consumo (IPC) entre decembro de 2005 e decembro de 2007.
URBANISMO
Inícianse as expropiacións necesarias para construír o vieiro de acceso aos solos industriais de Formarís
A concelleira de Urbanismo, Mercedes Rosón, explicou o proxecto de expropiación necesario para executar o vieiro de acceso aos solos industriais previstos en Formarís. Esta infraestrutura permitirá conectar a estrada N-550 cos ámbitos industriais SUNP-37.3, SUNP-38 e FINSA.
BENESTAR SOCIAL
Benestar Social promove un programa educativo para familias en situación de ruptura
A Xunta de Goberno ratificou a solicitude á Deputación da Coruña dunha subvención de 42.075 euros para o desenvolvemento do Programa de acción educativa na rúa e en familias en situación de ruptura. O Concello achegaría 21.955 euros a esta iniciativa.
MEDIO AMBIENTE
Medio Ambiente inaugura a exposición sobre o cambio climático "O noso mundo, o noso futuro, a nosa opción"
A concelleira de Medio Ambiente e Desenvolvemento Sustentábel, Elvira Cienfuegos, inaugurou a exposición "O noso mundo, o noso futuro, a nosa opción" no Centro Social e Xuvenil do Ensanche. A mostra estará activa ata finais de febreiro e organizase en colaboración coas consellarías de Medio Ambiente e de Innovación e Industria.