FUNDACIÓN GRANELL
Maratón de lectura dedicado a Juan Ramón Jiménez na Fundación Granell
O alcalde compostelán e presidente do Padroado da Fundación Granell, Xosé A. Sánchez Bugallo, abriu o maratón anual de lectura, dedicado este ano a Juan Ramón Jiménez, que organiza esta entidade con motivo do Día Internacional dos Museos. A esta apertura asistiron alumnos do colexio San Xosé de Cluny.
EDUCACIÓN
Biblioteca "O coelliño branco": un espazo para formar novos lectores na Escola Municipal de Fontiñas
A concelleira de Educación e Mocidade, Elvira Cienfuegos, visitou a biblioteca da Escola Municipal de Fontiñas, que toma o nome do conto "O coelliño branco". O acto serviu para por de relevo o traballo que a editorial Kalandraka desenvolve co Concello de Santiago para a animación á lectura entre os composteláns.
CURTOCIRCUÍTO
"Historia da arte" gaña o concurso de guións para curtametraxes Compostela Plató
Unha historia na que se entrecruzan o mundo da arte moderna e a realidade das clases sociais máis humildes é a gañadora do Concurso de Guións para Curtametraxes Compostela Plató, unha das seccións oficiais do IV Festival Internacional de Curtametraxes de Santiago de Compostela, Curtocircuíto 2007. "Historia da arte" propón unha reflexión sarcástica sobre a utilidade e a esencia do arte moderno e o seu alonxamento da realidade social.
CONSORCIO
Concerto na Catedral dentro do "Compostela Organum Festival"
O órgano da Catedral de Santiago, afeito a poñer música ás celebracións litúrxicas da basílica, ás grandes solemnidades ou as notas do Himno ao Apóstolo durante o voo do Botafumeiro, cambiará por un día a súa tarefa para deixar paso á música de Bach, Saint-Saëns, Liszt ou o coñecido "Claro de luna" de Debussy. Será nun novo concerto do "Compostela Organum Festival", o xoves 17 de maio, ás 21:00 horas.
ALCALDÍA
Homenaxe ao deporte de base
No IES Rosalía de Castro, o alcalde compostelán, Xosé A. Sánchez Bugallo, presidiu o acto de homenaxe ás categorías de base do club de baloncesto Rosalía de Castro. O evento lembrou os éxitos acadados nas diferentes categorías na campaña 2006-2007.
PROMOCIÓN ECONÓMICA
125 persoas participarán no Proxecto Crear IV de inserción laboral
A Concellaría de Promoción Económica e Emprego porá en marcha o 1 de xuño o Proxecto Crear IV. Este programa experimental, que ten un custo de 199.111,10 euros, será cofinanciado pola Consellería de Traballo e o Fondo Social Europeo. No Proxecto Crear IV poderán participar 125 usuarios, fronte aos 100 do Crear III, que remata o 30 de maio.
EDUCACIÓN
Preséntase en Compostela a Carta de Cidades Educadoras
Santiago é unha das máis de 300 cidades de todo o mundo integrantes da Asociación Internacional de Cidades Educadoras (AICE). Esas cidades asumiran o compromiso de difundir a Carta de Cidades Educadoras. Compostela faino agora, coa difusión entre todos os membros da comunidade escolar e entre a cidadanía en xeral deste documento.
LINGUA
O Concello reafirma o seu compromiso coa nosa lingua nos actos con motivo do Día das Letras Galegas
O hotel Porta do Camiño acolleu unha recepción institucional con motivo do Día das Letras Galegas, este ano dedicada a María Mariño. O alcalde compostelán, Xosé A. Sánchez Bugallo, e o concelleiro de Política Lingüística, Manuel Portas, presidiron este evento, no que participaron as asociacións veciñais e diversas entidades e persoas relacionadas coa lingua galega.
TURISMO
Turismo de Santiago presenta a Compostela ante a prensa e os turoperadores irlandeses
A Empresa Municipal de Turismo compostelá, en colaboración coa Oficina Española de Turismo de Dublín e Aer Lingus, ofreceu unha presentación-almorzo en Dublín para promover a viaxe a Compostela cos voos directos que operan desde Lavacolla.
OBRAS
Melloras no alumeado en San Xoan de Fecha, Carballal e Cesar
A Xunta de Goberno local adxudicou diversas obras de mellora nas instalacións de alumeado público de San Xoan de Fecha (enlace entre a estrada xeral en Vilas e Ponte Vilar), Carballal e Cesar.