Noticias

Santiago de Compostela acollerá durante os días 4, 5 e 6 de maio o VIII Congreso Estatal de AIDE-Federación (Asociación de Inspectores de Educación).

O vindeiro venres 29 de abril celébrase na cidade de Santiago de Compostela a segunda macro-partida do xogo de rol en vivo "Vampiro: a mascarada", titulada "O Concilio das sombras". A primeira edición deste xogo de terror gótico, na que participaron cerca de 200 xogadores, desenvolveuse o ano pasado tamén en Santiago e levou por título "Legado de sangue". Para esta edición, calcúlase que participarán unhas 500 persoas.

O xoves 14 de abril ás 21.00 horas no Auditorio de Galicia, a Real Filharmonía de Galicia, auspiciada polo Consorcio de Santiago, baixo a batuta do mestre Maximino Zumalave. Como solista estará o óboista Thomas Indermühle.

Programa: Hermes...................................Octavio Vázquez (1972)
Concerto para óboe..................Richard Strauss (1864-1949)
Serenade en Mi maior, op. 22....Antonin Dvorák (1841-1904)

Pere Xavier Sirbent, xefe de proxectos do Instituto Municipal de Mercados de Barcelona, e Xosé Manuel Iglesias, concelleiro de Comercio e Mercados do Concello, visitaron a Praza de Abastos de Santiago, a fin de coñecer as características e os plans do Concello para a remodelación comercial e arquitectónica deste recinto.

21 cidadáns gañadores do sorteo da campaña para o fomento do uso corrector dos colectores amarelos.

Un total de 21 cidadáns foron premiados no sorteo no marco da campaña informativa sobre o uso correcto do colector de envases de plástico, latas e briks, convocado pola Concellería de Medio Ambiente do Concello de Santiago.

Esta proposta didáctica pretende achegar a música tradicional e a formación musical aos escolares de educación primaria e secundaria en horario lectivo. Arredor de 3.500 neste curso escolar.

O pleno celebrado o luns 11 de abril aprobou inicialmente o proxecto de orzamentos para o ano 2005, así como o cadro de persoal.

Os habituais do parque Eugenio Granell atópanse agora no seu percorrido cun novo elemento, unha fonte ornamental que pulveriza a auga e que, pola noite, a grazas á súa iluminación, semella unha esfera de luz.

A aprobación desta medida responde ao obxectivo de adecuar a relación prezo-tempo de estacionamento nos aparcamentos públicos que son titularidade do Concello de Santiago.

Remata o prazo para as empresas Interparking Hispania S.A. e Aparcamientos Sar S.A. en relación á modificación da estrutura tarifaria dos aparcamentos públicos.

Concelleiros e técnicos das once cidades membros do Grupo de Cidades Patrimonio da Humanidade de España deliberan hoxe na Casa do Concello sobre os traballados presentados por centros de ensino destas cidades na cuarta edición do programa didáctico "Coñecer as cidades Patrimonio da Humanidade".