VIVENDA
Destacadas achegas para un proxecto piloto sobre vivenda social en aluguer
O alcalde compostelán, Xosé A. Sánchez Bugallo, inaugurou as Xornadas sobre vivenda social en aluguer no Centro Galego de Arte Contemporánea. Estas sesións de traballo, no marco do proxecto europeo SUITE, liderado por Santiago, achegan experiencias municipais e autonómicas na xestión deste tipo de vivendas, con vistas ao proxecto piloto que neste ámbito poñerán en marcha o Concello e EMUVISSA.
BENESTAR SOCIAL
Cea benéfica para recadar fondos destinados á Casa da Infancia de Colombia
A Fundación Balms para a Infancia celebrará a súa 1ª Cea Benéfica o sábado 22 de maio, ás 22:00 horas, no Hotel Puerta del Camino de Santiago de Compostela. O Concello colabora con esta iniciativa solidaria, que pretende recadar fondos para o proxecto da Casa da Infancia de Colombia.
PARTICIPACIÓN CIDADÁ
Veciños e veciñas de Compostela comezan unha peregrinación polo Camiño Portugués
Organizada pola Concellería de Participación Cidadá e no marco do programa Fai o Camiño Connosco, a peregrinación veciñal polo Camiño Portugués comeza o sábado 22 de maio, e rematará en xullo despois de seis etapas e 109,7 quilómetros.
CULTURA
A exposición "1980-2010", de María Xosé Díaz, vólvese dixital
A exposición 1980-2010, de María Xosé Díaz, que se pode ver actualmente no Auditorio de Galicia, xa conta co seu catálogo dixital. A concelleira de Cultura, Socorro García Conde, foi a encargada de presentar o soporte, acompañada da artista e mais do comisario da mostra, Antonio Garrido.
EDUCACIÓN
Clausúrase a X Campaña de Animación á Lectura "Un gran soño"
O sábado 22 de maio, ás 12:00 horas, na Galería Sargadelos, terá lugar o acto de clausura da X Campaña Municipal de Animación á Lectura "Un gran soño", organizada pola Concellería de Educación e Kalandraka Editora en colaboración coa Galería Sargadelos.
ALCALDÍA
Sánchez Bugallo anima aos traballadores municipais a afrontar estes tempos de "sacrificios importantes"
Con motivo da celebración da súa patroa, Santa Rita, os traballadores do Concello foron recibidos no Salón Nobre polo alcalde compostelán, Xosé A. Sánchez Bugallo.
ALCALDÍA
Santiago de Compostela acolle o V Encontro Thao, acto central do Programa Thao para frear a obesidade infantil
O V Encontro Thao reune en Santiago a un centenar de profesionais, entre expertos en nutrición, pediatría e educación física, así como a responsables políticos e técnicos municipais procedentes de toda España, co obxectivo de avanzar na loita contra un dos problemas de saúde infantil máis grave na sociedade actual. Un de cada cinco nenos e nenas españois sufre exceso de peso, segundo datos do estudo que o propio Programa Thao realizou o curso pasado a máis de 17.000 escolares de entre 3 e 12 anos, en...
ALCALDÍA
O alcalde anuncia a intervención de Tragsa para retirar 480 toneladas de lixo acumulado
O alcalde compostelán, Xosé A. Sánchez Bugallo, solicitou á Delegación do Goberno en Galicia a intervención da empresa pública Tragsa para retirar 480 toneladas de lixo acumuladas nas rúas de Santiago a partir do vindeiro sábado 22. Esta mesma mañá, a Delegación do Goberno autorizaba a petición. A Xunta de Goberno facultouno para asinar os pertinentes convenios e contratos que permitirán esta actuación extraordinaria.
URBANISMO
A Comisión de Urbanismo aproba a modificación da Ordenanza municipal de ruídos e condicións dos locais
A Comisión de Urbanismo, baixo a presidencia da concelleira de Urbanismo, Mercedes Rosón, aprobou a modificación da Ordenanza de ruídos e condicións dos locais. Nesta mesma sesión deuse o visto bo provisional da Modificación puntual do Plan xeral de ordenación municipal no ámbito do SUD-7 (Vite de Arriba) e terreos limítrofes, onde se prevé a construción dun máximo de 174 novas vivendas, das que 134 serán libres e o resto de protección oficial.
CULTURA
"Platonov", do Centro Dramático Nacional, chega ao Auditorio de Galicia
O venres 21 estréase no Auditorio de Galicia Platonov, obra representada polo Centro Dramático Nacional español. O espectáculo foi presentado nunha rolda de prensa na que a concelleira de Cultura, Socorro García Conde, e o director do Auditorio, Paulo Rodríguez, estiveron acompañados polos actores Pere Arquillué, Elisabet Gelabert e Mónica López.