BENESTAR SOCIAL
Os alumnos do curso de cociña do USN realizaron pratos representativos de diferentes países europeos
O Equipo de Dinamización Social Urbana Santiago Norte-Servizos Sociais segue a impartir unha serie de obradoiros no Centro Comunitario Xoán XXIII, encadrados dentro do Programa de Competencia Social e Crecemento Persoal. Unha das propostas é á elaboración de pratos de cociña económicos. Nesta ocasión, con motivo da celebración do Día de Europa o 9 de maio, realizouse unha sesión especial na que se elaboraron de pratos e alimentos representativos de distintos países europeos.
ALCALDÍA
Concello de Santiago, Xunta e Real Academia Galega ultiman os actos de homenaxe a Roberto Vidal Bolaño
O alcalde compostelán, Ángel Currás, e o presidente da Real Academia Galega, Xesús Alonso Montero, mantiveron un encontro en Raxoi, previo á reunión preparatoria dos actos dos actos de homenaxe a Roberto Vidal Bolaño que se celebrou a continuación. Nesta participaron a concelleira de Normalización Lingüística, Rebeca Domínguez, e o secretario xeral de Cultura, Ánxo Lorenzo.
CULTURA
"Bailadelas, mulleres bolañesas", de Teatro Antroido, no Principal con motivo da programación especial das Letras Galegas
O director-xerente do Auditorio de Galicia, José Víctor Carou presentou, con motivo das celebración das Letras Galegas 2013, unha das dúas obras que nos achegarán ao teatro de Roberto Vidal Bolaño, Bailadelas, acompañado de Laura Ponte, impulsora de Teatro Antroido e actriz da obra; Roi Vidal Ponte, adaptador do texto e autor, e Xavier Estévez, director. A outra obra prevista é Criaturas.
DEPORTES
Máis de 180 parellas teñen unha cita competitiva co baile en Santa Isabel
O concelleiro de Deportes, Adrián Varela, presentou o II Trofeo de Baile Deportivo Cidade de Santiago e o I Trofeo da Ascensión Campionato Galego de Standard e Latino, que se celebran esta fin de semana no pavillón de Santa Isabel. Está prevista a participación de máis de 180 parellas, a maioría galegas e portuguesas.
XUNTA DE GOBERNO
A Xunta de Goberno aproba o convenio para a execución da EDAR do Souto
A Xunta de Goberno, na súa sesión ordinaria, aprobou a sinatura do convenio coa Consellería de Medio Ambiente e Aquanorte para a execución e explotación da estación depuradora de augas residuais, que se situará no lugar do Souto. O importe estimado deste proxecto é de 59.777.245 euros máis IVE (o 70% correspóndelle a Aquanorte, 15% ao Concello e 15% á Xunta).
FESTAS
Música no Obradoiro e concursos cabalares na xornada grande das Festas da Ascensión
O día grande das Festas da Ascensión, o recinto feiral de Amio acollerá a tradicional. Xa pola noite, a música será a protagonista cunha gala musical na praza do Obradoiro.
TURISMO
Santiago promociónase en Alemaña co Grupo de Cidades Patrimonio da Humanidade
O Grupo de Cidades Patrimonio da Humanidade de España presentou no East Hotel de Hamburgo a súa oferta patrimonial e turística a xornalistas e a preto de 80 axentes de viaxes e turoperadores alemáns especializados no segmento de turismo cultural, idiomático e de reunións.
DEPORTES
O xoves 9, último día para inscribirse na I Compostela BTT
As inscricións para a I Compostela BTT, marcha cicloturista de 50 quilómetros polos arredores de Santiago que se celebrará o domingo 12, poderán facerse ata última hora do xoves 9 de maio na páxina web www.magmasports.es.
DEPORTES
Máis de 100 corredores disputarán a XV Volta Ciclista da Ascensión
A Volta Ciclista da Ascensión chega xa á súa edición número XV o sábado 11 de maio. Máis de 100 corredores participarán nunha proba que discorrerá polo entorno de Santiago e que terá saída e chegada na avenida de Juan Carlos I. A xornada tamén terá un tempo matinal dedicado aos máis pequenos, que poderán amosar a súa destreza coa bicicleta nun circuíto de habilidade.
CIDADE HISTÓRICA
O Consorcio de Santiago restaurará sete fontes do Casco Histórico
O Consorcio de Santiago vai investir 93.000 euros no proxecto de restauración de sete fontes do Casco Histórico. O proxecto foi autorizado pola Comisión Asesora do Casco Histórico, de cuxos acordos informou a concelleira de Urbanismo, María Pardo.