Noticias

O Goberno deu cumprimento hoxe ao compromiso adquirido no marco das mesas de diálogo co sector da hostalería nocturna, e aprobou dúas instrucións sobre os criterios aplicables tanto no que ten que ver cos procedementos sancionadores abertos a establecementos públicos e actividades de lecer, como no relativo ao seu aforo. O alcalde, Martiño Noriega, explicou que o obxectivo é "unificar o modo de actuar, diante da disparidade do marco legal existente e do baleiro no desenvolvemento dalgunhas normativas". Deste xeito, incidiu,...

A Xunta de Goberno deu conta hoxe dunha nova sentenza chegada ao Concello de Santiago, que anula os acordos adoptados no ano 2013 para a adxudicación do servizo de limpeza, conserxería e control das instalacións dos centros públicos de educación infantil e primaria. O fallo, ditado polo Xulgado Contencioso Administrativo nº 1 de Santiago, obriga a retrotraer o procedemento para volver a valorar as ofertas presentadas nunha mesa de contratación.

A concelleira de Deporte, Noa Morales, acompañada do seu homólogo en Teo, Jorge Carballido, e dos presidentes das asociacións Valentes e Santiago Rugby Club, Diego Pagnotta e José Pérez, e do secretario da asociación CDU Rugby Santiago Veteranos, Víctor Arce, deron a coñecer esta mañá o novo Clúster Rugby en Compostela.

O Consorcio de Santiago acaba de adxudicar as obras de mellora das condicións de uso do Auditorio de Galicia á Unión Temporal de Empresas UTE Auditorio de Galicia por un importe global de 271.125,14 euros. O prazo de execución estimado destes traballos será duns seis meses.

O Consorcio de Santiago presentou en 2016 sete novas publicacións vinculadas á cidade, coeditadas en colaboración con outras editoriais. Increméntanse así os fondos das seis coleccións coas que conta a biblioteca do organismo interadministrativo: biblioteca facsimilar, científica, de divulgación xacobea, literaria e de imaxes, xunto á infantil e xuvenil.

A Tropa Verde, a iniciativa que premia a concienciación ecolóxica da cidadanía, pecha o ano superando todas as expectativas: máis de 11.000 accións ambientais desenvolvidas, 2.000 usuarios rexistrados e máis de 2.000 participantes en actividades escolares. Son algúns dos datos máis importantes do balance do proxecto que o Concello ten en marcha en colaboración con Teimas Desenvolvemento, que se consolidou ao longo de 2016. A día de hoxe, a Tropa Verde conta xa con 115 establecementos colaboradores, responsables de entregar...

Oitenta anos despois do pasamento do escritor e dramaturgo galego Ramón María del Valle-Inclán, a súa obra poderá ser gozada por primeira vez en galego. Será a peza A Cabeza do Dragón a que sirva de catalizador, e será Producións Teatrais Excéntricas -con Quico Cadaval á fronte- a encargada de poñela sobre as táboas. O elenco está formado por Iván Marcos, Patricia Vázquez, Víctor Mosqueira, María Costas, Josito Porto, Yelena Molina, Marcos Orsi e o propio...

Preto de medio cento de representantes de colectivos veciñais, empresariais e de comerciantes; e dos grupos políticos da Corporación municipal acadaron onte o consenso sobre o Pacto Local pola Mobilidade. Foi nunha reunión presidida polo concelleiro de Espazos Cidadáns, Dereito á Vivenda e Mobilidade, Jorge Duarte, que lle puxo fin a meses de traballo para redactar o documento que agora terá que ser aprobado polo Pleno. O propio edil deu conta este mércores en rolda de prensa das conclusións da xuntanza.

A concelleira de Deporte, Noa Morales, presentou as obras que se están a acometer en cinco instalacións deportivas municipais con cargo ao remanente de tesourería do 2016, que suman un investimento de 165.313 euros. Segundo indicou, "trátase de facer fronte ás deficiencias que presentan as instalacións deportivas municipais dende hai anos e que cómpre ir solucionando".

A concelleira de Deporte, Noa Morales, achegouse esta mañá pola carpa da praza Roxa para participar nos xogos tradicionais que a Asociación de Xogos Tradicionais organiza conxuntamente co Concello para goce de pequenos/as e maiores.