MOBILIDADE
Destacados expertos debaten en Santiago sobre as políticas de mobilidade
Os días 10 e 11 de xuño vanse celebrar as IV Xornadas de Transporte e Mobilidade, organizadas por TUSSA e o Concello de Santiago. Están enmarcadas dentro dunha Semana do Transporte que comezará coa inauguración, o 9 de xuño, dunha exposición de autocares antigos no paseo central da Alameda.
EDUCACIÓN
O Concello pon en marcha un amplo programa de conciliación para as familias durante o verán
A concelleira de Educación, Mercedes Rosón, presentou o Programa Municipal de Conciliación para as Familias de Compostela. Á Escola de Verán de Inglés, recentemente presentada, e á Cibercaixa de Roxos, súmase a X Edición da Escola Municipal de Verán e o programa de verán do Centro de Interpretación do Medio Rural da Portela (Figueiras).
PROMOCIÓN ECONÓMICA
O proxecto Play Nature World gaña o Startup Weekend Galicia
O proxecto Play Nature World, sobre un xogo interactivo (en tempo real) de realidade aumentada conectado a redes sociais, é o gañador do Startup Weekend Galicia. Neste evento celebrado o fin de semana, colaborou a Concellaría de Promoción Económica, Emprego, Comercio e Turismo, a través do programa de fomento do emprendemento Compostela Activa 2010. Baseado no networking e no traballo en equipo, reuniu a 50 persoas con talentos diversos, co obxectivo de, a través dunha idea, crear unha empresa en tan só 48 horas.
ALCALDÍA
A unión vital e literaria entre Marilar Aleixandre e Santiago de Compostela, plasmada nunha homenaxe
O alcalde compostelán, Xosé A. Sánchez Bugallo, presidiu a homenaxe que os escritores galegos lle fixeron a Marilar Aleixandre. A autora ten agora a Letra E e un monolito conmemorativo desta homenaxe na avenida de Barcelona.
MERCADOS E FESTAS
Os composteláns saíron á rúa para a coroación do pequeno rei de Galicia
As rúas e prazas da Cidade Histórica acolleron a representación medieval da coroación do neno Alfonso Raimúndez como rei de Galicia. Máis de 200 persoas, entre actores e extras participaron nesta representación histórica, no marco da III Feira Medieval. Numerosos composteláns presenciaron o espectáculo.
ALCALDÍA
Sánchez Bugallo: "A novidade dos orzamentos deste ano será onde se poden aforrar outros dous millóns de euros"
O alcalde compostelán, Xosé A. Sánchez Bugallo, indicou que nos orzamentos de 2010, que se presentarán, tal como se anunciar, no Pleno deste mes de xuño, "a única novidade é onde se poden aforrar dous millóns de euros máis". "Non esperen outras novidades", indicoulles aos xornalistas, recordando que o capítulo de gastos, incluído o corrente e os investimentos, xa se coñecían.
EMPREGO
Obradoiro de Promoción Económica sobre competencias clave destinado a formadores
O concelleiro de Promoción Económica, Emprego, Comercio e Turismo, Xosé Manuel Iglesias, presentou o obradoiro de formación Competencias transversais clave nos programas de formación e emprego. Métodos e ferramentas para o desenvolvemento das competencias para a empregabilidade.
MERCADOS E FESTAS
Máis de 200 persoas participarán na recreación medieval da coroación de Alfonso Raimúndez como rei de Galicia
O Concello compostelán anima a todos os cidadáns a unirse á comitiva que mañá sábado, a partir das 19:00 horas, recreará polas rúas e prazas do Casco Histórico a cerimonia de coroación de Alfonso Raimúndez como rei de Galicia. Máis de 200 persoas, entre actores e extras participarán nesta representación histórica, no marco da III Feira Medieval, aberta ata o domingo. O evento foi inaugurado polo alcalde compostelán, Xosé A. Sánchez Bugallo.
A Avogacía española realiza a súa tradicional "Peregrinación da Toga"
O alcalde compostelán, Xosé A. Sánchez Bugallo, recibiu en Raxoi ao Consello Xeral de Avogacía Española, que celebra o seu pleno en Santiago. Ademais, aproveitando este Ano Santo, os profesionais da Avogacía realizaron a súa tradicional "Peregrinación da Toga".
TURISMO
Santiago de Compostela acolle a estrea da exposición "El viaje polar"
Mostrar os efectos do quentamento global sobre os Polos, a súa inmensa beleza, a fauna que o habita e o importante papel que desempeña no equilibrio do Planeta. Estes son os obxectivos cos que foi concibido El viaje polar, cuxa exposición iniciará en Santiago un ciclo que o levará a diferentes cidades españolas durante 2010 e 2011.