Noticias

Na rolda de prensa desta mañá, o alcalde de Santiago fixo balance dos datos turísticos de Santiago nos primeiros meses deste ano e destacou que "con respecto ao último Ano Santo 2010, rexistrouse unha subida do 70% na chegada de visitantes a través do Aeroporto". O número de chegadas en autobús reduciuse en prol do uso do tren de alta velocidade como medio para visitar Santiago.

A praza do Obradoiro acolleu esta mañá un minuto de silencio pola muller asasinada onte en Soria, última vítima de violencia machista.

Onte xoves tivo lugar no municipio de Roa (Burgos), a Asemblea Xeral de REDEL, a Rede de Entidades de Desenvolvemento Local, da que forma parte o Concello de Santiago a través da Oficina de Promoción Económica. O encontro contou coa participación de case a totalidade das 31 entidades asociadas a REDEL así como do Ayuntamiento de Fuenlabrada e a Diputació de Castelló, cuxa incorporación á rede foi aprobada durante a reunión.

Nenos e nenas dos centros escolares de Compostela participaron esta mañá no Auditorio de Galicia na IV Gala pola Seguridade Viaria, a gran festa coa que remata o programa de formación dirixido ao alumnado compostelán de 4º de primaria que o departamento de Educación Viaria da Policía Local desenvolveu ao longo do curso. Nesta edición, o programa de actividades foi seguido por arredor de 900 nenos e nenas de 24 colexios de Santiago.

O alcalde de Santiago, Xosé Sánchez Bugallo, visitou hoxe na Praza do Toural os distintos postos de libros instalados con motivo da SELIC, a Semana do Libro en Compostela, que se celebra desde hoxe ata o 19 de xuño. Nesta sexta edición participan máis 22 librarías e editoriais, ademais de 70 autores. Tamén conta, este ano, coa presencia de músicos como Santiago Auserón ou James Rhodes, a quen saúdou o rexedor.

A Xunta de Goberno Local, reunida en sesión extraordinaria, acordou o compromiso de que o Concello "disporá de todos os recursos humanos, técnicos e orzamentarios necesarios para executar o proxectos de rehabilitación do Estadio Municipal Verónica Boquete (San Lázaro) e do Auditorio de Galicia.

O Paseo da Ferradura, na Alameda de Santiago, acolle mañá, 10 de xuño, distintas actividades de ocio programadas pola Rede de Centros Socioculturais para conmemorar o "Día Internacional do dereito ao xogo". Entre as 17:00 h e as 20:00 h a cativada poderá gozar co circuito de xogos de habilidade e xogos tradicionais, cos inchables, coa animación de "Zancudos do Circo" e da compañía "Troula"; e co espectáculo, ás 18:00 h de Antón Ke.

Representantes do Concello, a Delegación do Goberno, a Xunta de Galicia, e das forzas e corpos de seguridade reuníronse esta mañá no Pazo de Raxoi para coordinar o dispositivo de seguridade do Son do Camiño, festival que atraerá arredor de 42.000 persoas a Santiago os días 16, 17 e 18 de xuño. As tres administracións actuarán de forma conxunta con medidas especias que se aplicarán tanto nos controis de acceso e no interior do recinto, como na propia cidade. Tamén se reforzarán os servizos ferroviarios e...

O "Tren Cacharelo" circulará de balde na tarde do xoves 23 de xuño con paradas nos barrios onde se organizan algunhas das cacharelas veciñais máis populares.

O alcalde de Santiago, Xosé Sánchez Bugallo, acompañado de representantes das asociacións comerciais, e de distintos membros da Corporación Municipal, realizou un percorrido pola cidade histórica e polo Ensanche, con motivo da festa do comercio local Prima 22, que comezou hoxe e se prolongará ata o vindeiro sábado, 11 de xuño, nos distintos barrios de Compostela.