CIRCULACIÓN VIARIA
Ábrese o prazo para a solicitude de tarxetas de residentes no barrio de San Pedro
Dende o luns 24 de xaneiro e ata o 12 de febreiro estará aberto o prazo de solicitude de tarxetas de residentes para os veciños do barrio de San Pedro, segundo anunciou en rolda de prensa a concelleira de Circulación Viaria, Marta Álvarez-Santullano. Nesta área, serán 328 as prazas de residentes dispoñibles permanentemente, ademais doutras 88 libres de día e reservadas de noite. A maiores, quedarán 186 prazas de estacionamento libres.
PARTICIPACIÓN CIDADÁ
Unha exposición rescata as fotografías tomadas polos participantes no programa "Fai o Camiño Connosco"
Inaugúrase o sábado 22, a partir das 12:00 horas, na Casa das Asociacións, a exposición Instantáneas do Camiño, que recolle unha escolma das fotografías presentadas polos participantes do programa Fai o Camiño Connosco. A mostra estará aberta ata o 25 de febreiro.
ALCALDÍA
O alcalde compostelán visitou Fitur
O alcalde compostelán, Xosé A. Sánchez Bugallo, visitou Fitur. No marco desta feira mantivo diversos contactos con axentes turísticos, entre eles con integrantes da empresa Ryanair, que presentaron a súa proposta para unha cuarta conexión internacional dende Lavacolla a unir ás de Frankfurt, Milán e Londres.
ALCALDÍA
O Concello preséntalle á Universidade de Santiago a proposta de convenio para impulsar a nova Facultade de Medicina
O alcalde compostelán, Xosé A. Sánchez Bugallo, mantivo unha xuntanza co reitor da Universidade de Santiago, Juan Casares Long, para falar da futura nova sede desta última. Da reunión, indicou Sánchez Bugallo, extráese unha "plena coincidencia de criterios" no apoio a Medicina e á construción do edificio educativo.
MEDIO AMBIENTE
As zonas verdes de Compostela quedan conectadas a través dos sendeiros do Itinerario Verde Urbano
"O Itinerario Verde Urbano resulta da conexión e sinalización dos distintos sendeiros dos parques, formando con eles roteiros circulares de 16, 18 e 21 quilómetros de lonxitude a través dos distintos parques urbanos". Con estas palabras describiu a concelleira do Medio Ambiente, Elvira Cienfuegos, a iniciativa levada adiante dende o Departamento de Parques e Xardíns do Concello.
TURISMO
Santiago e Tanabe promocionan xuntos en Fitur os Camiños de Santiago e de Kumano
O concelleiro de Promoción Económica e Turismo, Xosé Manuel Iglesias; o director da Oficina de Promoción Turística de Xapón en París, Koichi Miyazawa; e o responsable da Oficina de Promoción Turística de Tanabe, Brad Towle, farán unha presentación conxunta en Fitur dos camiños de Santiago e de Kumano Kodo, que son as dúas únicas rutas de peregrinaxe declaradas Patrimonio da Humanidade.
EDUCACIÓN
Os responsables educativos das sete grandes cidades reiteran a urxencia dunha reunión co conselleiro de Educación
Convocados polos Concellos de Vigo e Santiago, concelleiros e técnicos de Educación das cidades da Coruña, Lugo, Ourense e Pontevedra celebraron en Ourense a IV xuntanza do Grupo de Traballo sobre Concellos e Educación. Dábase así continuidade ás reunións mantidas anteriormente en Santiago, Vigo e Lugo.
ALCALDÍA
A aventura dos "6 millóns de pasos" continúa
Mes e medio despois da chegada ao Obradoiro, o proxecto 6 millóns de pasos continúa co traballo de difusión da experiencia a través de diferentes soportes. Os seus protagonistas, o alpinista Juan Rivas "Coru" e o fotógrafo Andrés Fraga, foron recibidos en Raxoi polo alcalde compostelán, Xosé A. Sánchez Bugallo, e polo concelleiro de Xuventude, Xosé Baqueiro.
ALCALDÍA
O PMUS trazará antes do verán as medidas en prol dunha mobilidade sostible
O alcalde compostelán, Xosé A. Sánchez Bugallo, presentou en rolda de prensa o Plan de Mobilidade Urbana Sostible de Santiago de Compostela (PMUS). Esta proxecto converterase na ferramenta mediante a cal o Concello poderá articular medidas encamiñadas a mellorar a calidade de vida dos cidadáns a través dun cambio nas condicións de transporte e mobilidade de Santiago e da súa área metropolitana.
TURISMO
O libro de receitas de "Santiago(é)Tapas" gaña o premio Gourmand ao mellor deseño dun libro de cociña de España
O Libro de Receitas de Santiago(é)Tapas vén de recibir o premio Gourmand ao mellor deseño dun libro de cociña de España, o que lle permitirá participar no Gourmand World Cookbook Awards, onde competirán os libros gañadores de cada país polo premio "Best in the World" de cada categoría. Os premios Gourmand World CookBook son considerados os máis importantes do mundo no sector gastronómico. Na edición do ano 2009 participaron 6.000 libros de 136 países, o que dá unha idea...