CENTROS SOCIOCULTURAIS
"Vive o Antroido" programa máis de 150 actividades nos centros socioculturais
Xa está en marcha unha nova edición de Vive o Antroido, con máis de 150 actividades programadas nos centros socioculturais ata os primeiros días de marzo. O obxectivo deste calendario de accións é divulgar as tradicións e por en valor a celebración do Antroido, así como facer visible a riqueza e variedade desta festa nos barrios e parroquias de Santiago.
TURISMO
Retro Galicia 2014 incorpora un motorshow con vehículos lendarios
Tras o éxito da última edición, con preto de 100 expositores e 20.000 visitantes, Santiago prepárase para acoller unha vez máis aos afeccionados ao motor de Galicia e norte de Portugal os días 14, 15 e 16 de febreiro en Retro Galicia 2014, IV Salón do Vehículo Clásico e de Época. A Concellería de Economía, Comercio, Turismo e Mercados colabora con este certame, organizado pola empresa Eventos del Motor.
CONSORCIO
Restauradas as pinturas murais do século XVI aparecidas na igrexa de Figueiras
O alcalde compostelán e presidente do Consorcio de Santiago, Ángel Currás, e a xerente do Consorcio, María Antón, visitaron a igrexa de Santa María de Figueiras. Comprobaron o resultado da restauración das pinturas murais que saíron á luz no templo. A Oficina Técnica do Consorcio promoveu a súa recuperación e conservación. O seu estado era moi malo, debido á acción da humidade e, sobre todo, á repercusión de obras anteriores nos muros do edificio. Sobre a superficie...
TURISMO
Santiago promociónase por primeira vez na principal feira turística de Israel
Turismo de Santiago participa por primeira vez na International Mediterranean Tourism Market, principal feira turística de Israel, que se celebra os días 11 e 12 de febreiro en Tel Aviv, principal centro económico do país.
CULTURA
Presentación do proxecto audiovisual e literario CoraSons dentro do ciclo Sons’14
O ciclo Sons'14 acolle o concerto de presentación de CoraSons, un proxecto audiovisual e literario da editorial Kalandraka. Unha numerosa selección dos artistas involucrados en CoraSons participará neste especial concerto que se celebrará este mércores, 12 de febreiro, no Teatro Principal. En concreto, confirmaron a súa presenza neste primeiro concerto: Xoán Curiel, Najla Shami, Uxía, Aline Frazäo, Sergio Tannus, Carlos Blanco, Isabel Leal, Rui David, Budiño, Luanda Cozetti, João Afonso, Norton Daniello e...
NORMALIZACIÓN LINGÜÍSTICA
Alumnado dos concellos de Santiago, Ames, Carballo e Teo participou na xornada de formación do Club de Debate
Os inscritos/as no Club de Debate asistiron a un curso preparatorio que serviu de punto de partida para a fase clasificatoria, que se celebrará no concello de Teo no mes de marzo. Esta actividade formativa serviu para darlle ferramentas ao alumnado e ao profesorado para mellorar as técnicas de debate.
URBANISMO
O novo alumeado na rúa Alfredro Brañas permitirá un aforro anual de 12.000 kW e a redución de 5,95 t nas emisións de CO2
A concelleira de Urbanismo, María Pardo, presentou o proxecto de substitución de luminarias nas instalacións de alumeado público da rúa Alfredo Brañas. Este actuación, adxudicada por un importe de 22.345 euros máis IVE e un prazo de execución de sete semanas, permitirá un importante aforro enerxético e unha redución do impacto medioambiental.
CULTURA
David Kadouch, Andrea Baccheti e Cédric Tiberghien no VI Ciclo de Piano Ángel Brage
O director-xerente do Auditorio de Galicia, José Víctor Carou, presentou o VI Ciclo de Piano Ángel Brage acompañado de Maximino Zumalave, un dos maiores impulsores do ciclo. Na programación desta sexta edición poderemos escoitar aos pianistas David Kadouch, o 20 de febreiro; Andrea Baccheti, o 13 de marzo; e Cédric Tiberghien o 30 de abril. Todos os concertos serán ás 21:00 horas no Auditorio de Galicia.
TURISMO
O Plan Integral de Turismo de Galicia aposta pola consolidación do Camiño como eixe vertebrador das novas alternativas turísticas
O alcalde compostelán, Ángel Currás, asistiu na Cidade da Cultura á presentación do Plan Integral de Turismo de Galicia xunto coa concelleira de Turismo, Reyes Leis. Este programa aposta pola consolidación do Camiño de Santiago como eixe vertebrador das novas alternativas de turismo e reclamo de Galicia nos mercados internacionais a través dun Plan Director, da diversificación da oferta e da introdución das novas tecnoloxías.
NORMALIZACIÓN LINGÜÍSTICA
Xornada de formación do Club de Debate
Este martes, 11 de febreiro, vai ter lugar a xornada de formación do Club de Debate 2014. Comezará ás 9:30 e rematará ás 13:30 horas no Pazo da Peregrina en Bertamiráns.