Noticias

O curso, cunha duración de tres días, conta co recoñecemento da Consellería de Educación da Xunta e ten o obxectivo de dotar aos profesionais e profesorado que queiran complementar a súa formación musical ou escénica con coñecementos sobre técnicas de presentación de concertos didácticos.

A Xunta de Goberno Local do luns 10 de outubro aprobou as novas tarifas por utilización dos servizos do tanatorio para o ano 2005.

Os Obradoiros Máis Alá! de lingua divertida que organiza a concellaría de Política Lingüística son talleres para crear un espazo lúdico e de aprendizaxe onde as nenas e os nenos reflexionen arredor da lingua galega e da súa situación. As sesións desenvólvense desde a perspectiva das dinámicas grupais e participativas, de xeito que son os rapaces os que protagonizan as actividades, baseadas na educación en valores e na diversidade cultural e lingüística como unha riqueza social.

Os rapaces dos institutos composteláns terán a súa festa "high school" o día 11 no Instituto de Pontepedriña, mentres que a familia enteira poderá disfrutar dunha xornada onde se ensinarán diferentes estilos o día 12 no Campo de Conxo.

No primeiro aniversario do falecemento do poeta Manuel María, o Auditorio de Galicia acollerá un acto de homenaxe organizado pola AS-PG, a CIG-ensino, AELG e MNL no que haberá música, poesía e a estrea dun documental sobre a súa vida. Será o vindeiro sábado 8 de outubro, ás 20.00 horas.

Santiago converterase durante tres días de outubro na capital internacional da arquitectura e a construción. Andar Quatro e o COAG organizan, por cuarta vez, os Encontros Internacionais de Arquitectura, un congreso de carácter bianual no que se dan cita profesionais de ambos sectores.

O aumento do número de viaxeiros recibidos en setembro de 2005 –20% máis que no mesmo mes do Ano Santo- permite ao concelleiro de Turismo elevar a previsión final a 1.800.000 viaxeiros cando remate este ano.

A concellaría de Cultura organiza unhas xornadas de homenaxe ao coñecido dramaturgo, director e intérprete artista finado no 2002, considerado como un dos pais do teatro profisional galego.

A partir do venres, 7 de outubro, a ata o próximo día 20 do mesmo mes o centro sociocultural da Trisca acolle a mostra GRF.DIG. Graffiti na era dixital, realizada por The Chemical Orange, que exhibe 32 fotografías de graffitis realizadas nas rúas de Santiago de Compostela, A Coruña, Barcelona e Varsovia e amosa o proceso de creación deste tipo específico de graffitis.

Despois do "Berlín" de María Lado, da "Pornografía" de Lupe Gómez ou "Se o noso amor e os peixes Sar arriba andasen", de Bernardino Graña, chega unha nova entrega do ciclo "Poeta en Compostela" co libro de Estevo Creus.