Noticias

O alcalde compostelán, Xosé A. Sánchez Bugallo, reuniuse na mañá do luns 17 co vicepresidente da Xunta, Anxo Quintana, con quen conversou arredor dos próximos proxectos de futuro da cidade.

A través dunha "Carta de Intencións" o concello de Santiago comprométese a buscar un espazo na cidade para levantar un monumento ao Libertador Simón Bolívar.

A Unidade Municipal de Atención a Drogodependentes (UMAD) pón en marcha a campaña "Fóiseche a pota?", destinada á sensibilización da xente nova sobre as consecuencias do uso e o abuso do alcol.

Co obxectivo de mellorar o coñecemento que sobre o funcionamento da Administración Municipal teñen as entidades veciñais, así como a súa capacidade de interlocución cara á mesma, a concellería de Relacións Veciñais pón en marcha unha serie de seminarios sobre o funcionamento organizativo da Administración Local.

A compañía de danza contemporánea Ballet Studio presenta no Teatro Principal "O que viven as rosas", unha proposta baseada na curta duración da beleza a través da ollada dunha escultora.

O alcalde de Santiago de Compostela, Xosé A. Sánchez Bugallo, e a concelleira de Rehabilitación e Casco Histórico, Mercedes Rosón, responderon ás preguntas da presentadora de "Desde Galicia para el mundo", Paola Rodríguez, que emitirá o vindeiro 29 de outubro un programa dedicado a Santiago de Compostela.

A Consellería de Política Territorial, Obras Públicas e Transportes e o Concello de Santiago de Compostela informan que, unha vez rematados os últimos labores para a súa plena operatividade, o túnel de Mestre Mateo comezará a funcionar o xoves, 13 de outubro a partir das 13.00 horas aproximadamente.

Actualmente a obra da travesía, que permitirá incrementar a fluidez do tráfico entre Romero Donallo e Mestre Mateo e que conforma un dos principais accesos da cidade, está practicamente concluída. Tan...

A concellería de Emigración e Inmigración pón en marcha un programa de axudas escolares específico para inmigrantes e emigrantes retornados con fillos empadroados, escolarizados e con enderezo en Santiago, que cursen estudos de educación infantil, ensinanza primaria e ESO. O prazo para solicitalas comeza o 17 e remata o 31 de outubro.

A tarifa seguirá sendo de 0,60 euros pola entrada.

Baixo a dirección do mestre titular Antoni Ros Marbà, a Real Filharmonía de Galicia ofrecerá o primeiro concerto de abono da temporada 2005-2006 con obras de Glinka, Shostakovich e Chaikovski.