Noticias

Os composteláns dispoñen xa dunha nova estrada entre Sar e Pontepedriña, que aliviará a circulación nunha das principais áreas de entrada á cidade. A vía abriuse nun acto no que participaron, entre outros, o alcalde de Santiago, Xosé A. Sánchez Bugallo; o secretario de Estado de Infraestruturas e Planificación, Víctor Morlán Gracia; a conselleira de Política Territorial, María Xosé Caride, e o delegado do Goberno en Galicia, Manuel Ameijeiras.

A Praza da Quintana foi escenario do espectáculo único preparado por Leilía para as Festas do Apóstolo. As cinco compoñentes da formación estiveron acompañadas de amigos como Antón Seoane e Nando Casal (Milladoiro), Xosé Manuel Budiño ou Eric Liorzou de Bleizi Ruth.

O alcalde de Santiago, Xosé A. Sánchez Bugallo, aproveitou a visita do secretario de Estado de Infraestruturas e Planificación, Víctor Morlán, con motivo da apertura do vieiro Sar-Pontepedriña, para abordar diversas cuestións que afectan ás infraestruturas da cidade. Entre elas, confirmou que xa está listo para a súa sinatura o convenio entre o Ministerio de Fomento, a Consellería de Política Territorial e o Concello de Santiago que posibilitará a construción da nova estación do AVE.

O concelleiro de Festas de Santiago, Xosé Baqueiro, e a presidenta da Asociación do Traxe Galego, Pilar Domínguez, presentaron a vixésimo oitava edición do Día do Traxe Galego, que terá lugar dentro do marco das Festas do Apóstolo o venres, 28 de xullo. Pilar Domínguez fixo un percorrido pola historia desta celebración e da Asociación do Traxe Galego, lembrando o crecemento que experimentou nos últimos anos a participación da xente neste día. Ademais, resaltou que a Asociación...

O bailarín Joaquín Cortés ofrece o venres 20 unha rolda de prensa no Concello de Santiago para presentar o seu último espectáculo, "Mi soledad", que representará na Quintana o sábado 22 de xullo. Antes, ás 17:45 horas, será recibido en Raxoi polo alcalde de Santiago, Xosé A. Sánchez Bugallo.

Seis bandas dos concellos de Teo, Ribadeo, Boiro, Celanova, O Rosal e Baiona percorreron as rúas do casco histórico na xornada do mércores 19. Celebrouse así unha nova e exitosa edición da Homenaxe ás Bandas Populares, que nesta ano 2006 chegaba á súa vixésimo oitava edición.

A renovada estrada de San Lourenzo xa está aberta ao tráfico. Instalada a sinalización vertical e habilitados os pequenos aparcadoiros para os veciños da zona, o vieiro xa permite de novo aos automóbiles desprazarse dende a rotonda do Clínico ata Poza de Bar.

No que queda de mes de xullo continúan a desenvolverse as diversas actividades programadas polo Centro Sociocultural de Conxo. Cursos, excursións, xogos e cine ao aire libre integran a ampla oferta do centro para estes días estivais.

Despois de dez días, continúan as actividades de Ferradura Aberta, que se prolongarán ata o venres 28 de xullo no Paseo da Ferradura. Unha media duns 700 rapaces están a participar cada día no programa, aberto a rapaces e rapazas de dous a catorce anos, con eventos específicos para cada grupo de idade. De luns a venres, a partir das 17:00 horas, a cita segue a ser obrigada na Alameda.

As Festas do Apóstolo acollen o venres 21 o "Compostela Festival", no que participarán Luar na Lubre e Bumba, con compoñentes de Mozambique e Galicia. A cita terá lugar ás dez da noite na Praza da Quintana e a entrada é gratuíta.