Noticias

O alcalde de Santiago, Xosé Sánchez Bugallo, fixo un oco na súa axenda de actividades para compartir cos cativos da Escola Infantil de Conxo a súa particular e entrañabel festa do Antroido.

A concelleira de Educación e Mocidade, Elvira Cienfuegos, recibiu, o venres 24 de febreiro, a un grupo de 16 estudantes de español procedentes de Elfershausen (Alemania). Este grupo, con alumnos de 15 e 16 anos acompañados de tres mestres, permanecerá en Compostela ata o martes 28 de febreiro para coñecer a vida cotiá de Santiago e do resto de Galicia.

Un grupo de perto de cen rapaces e rapazas da Casa do Neno e do centro Cativo asistirón ao concerto didáctico celebrado o venres, 24 de febreiro, no Auditorio de Galicia no marco do programa didáctico que desenvolve o Departamento de Educación e Mocidade do Concello en colaboración coa Banda Municipal de Música.

O alcalde de Santiago, Xosé Sánchez Bugallo, asistiu, o venres 24 de febreiro, ao acto de transferencia da Presidencia da Comunidade de Traballo Galicia-Norte de Portugal. Neste acto o Presidente da Xunta, Emilio Pérez Touriño, asumiu a presidencia desta Comunidade para os dous próximos anos.

O alcalde de Santiago de Compostela, Xosé A. Sánchez Bugallo, inaugurou o venres, 24 de febreiro, oá o 2º Congreso Nacional da Federación do metal, construcción e afíns (MCA-UGT).

Mellorar a integración do colectivo xitano nas aulas é o obxectivo do programa "Culturas para compartir: Xitanos hoxe" que desenvolve o departamento de Educación e Mocidade do Concello de Santiago en colaboración coa Fundación Secretariado Xitano.