Noticias

En virtude do convenio asinado entre as Concellarías de Medio Ambiente e Educación e a asociación ecoloxista Adega, os escolares de catro centros públicos composteláns están a por en marcha cadanseu horto escolar. As concelleiras de Educación, Elvira Cienfuegos, e de Medio Ambiente, Marta Álvarez-Santullano, achegáronse ata un dos centros nos que se está a desenvolver esta actividade, o Raíña Fabiola.

O concelleiro de Promoción Económica e Emprego, Xosé Manuel Iglesias, presentou as cinco especialidades do Plan FIP (Formación e Inserción Profesional), concedidas pola Consellería de Traballo, que impartirá a Concellaría no ano 2007. Son: instalador de sistemas de enerxía solar térmica, fontanería, carpintería, cantería e xardinería. Todos estes cursos, homologados pola Xunta de Galicia e subvencionados con 346.799,7 euros, realizaranse no Centro de Formación Ocupacional Sanxuás de...

O sábado 14 de de abril, das 10:00 ás 20:00 horas, celébrase a Feira de San Pedro, promovida pola Comisión de Festas de San Pedro.

O I Festival de Autor Cidade de Compostela traerá a Compostela a dous grandes da música como Luis Eduardo Aute e Antonio Vega. O concerto, producido pola Concellaría de Cultura e GX Producións, terá lugar o día 21 de abril, ás 21:00 horas no Multiusos Fontes do Sar.

Segue a desenvolverse a sexta edición do programa "Coñecer as Cidades Patrimonio", no que ademais de Compostela participan as cidades de Ávila, Ibiza, Segovia, San Cristóbal de La Laguna, Alcalá de Henares, Toledo, Cáceres, Córdoba, Salamanca e Cuenca. No marco desta convocatoria, o xoves 12 de abril chega a Santiago o grupo gañador de Toledo. Os alumnos e profesores pertencen ao IES Universidad Laboral (4º da ESO) e permanecerán na cidade ata o 14 de abril.

Nove xornalistas de Milán e Roma visitan a capital galega como parte dunha viaxe de familiarización organizada por Turespaña e o Grupo de Cidades Patrimonio da Humanidade Españolas. Estarán na cidade ata o 13 de abril, atendendo un programa de visitas preparado por Turismo de Santiago.

Estase a celebrar no barrio de Fontiñas o I Torneo de Futbol-sala impulsado polo equipo do Proxecto "Educación de rúa". Trátase dunha das actividades pertencente ao Programa de intervención familiar, que ofrece novas alternativas para o tempo libre que fomentan a construción de criterios racionais, partindo dos intereses e inquietudes dos mozos e mozas.

O alcalde compostelán, Xosé A. Sánchez Bugallo, recolleu das mans da ministra de Cultura, Carmen Calvo, o Premio Nacional 2005 de Cidades Patrimonio da Humanidade. Fíxoo no transcurso dun acto celebrado na Deputación Provincial de Cádiz, no que se entregaron os galardóns das edicións 2005 e 2006.

Logo da paréntese da Semana Santa, o Auditorio de Galicia énchese de novo coa música da Real Filharmonía, cun concerto de marcado sabor galego. Ademais do director, o compostelán Maximino Zumalave, a música remitirá ao pasado mítico de Galicia, coa "Fantasía Celta", do compositor José Vicente Egea. O programa complétase cunha Sinfonía de Carl Maria von Weber e coa "Suite Checa" de Dvorak.

O concelleiro de Promoción Económica e Mercados, Xosé Manuel Iglesias, presentou a memoria do ano 2006 do Mercando Nacional de Gando. O ano pasado pasaron polo recinto de Amio 150.179 cabezas de gando, cun valor económico de 61.417.364 euros. Esta cifra manteno coma o mercado de maior peso económico de Galicia e de España, por diante dos de Pola de Siero e Torrelavega, e un centro de referencia a nivel europeo.