Noticias

Un grupo de alumnos do IES de Sar tivo a oportunidade de subirse ó escenario do Teatro Principal para representar "A derradeira promesa", a obra coa que gañou o XI Certame de Teatro Intercentros. Nunha festiva sesión de teatro, estes novos actores tiveron a ocasión de mostrar as súas habilidades escénicas a un animado público composto sobre todo polos demais rapaces e rapazas que participaron no certame.

O concelleiro de Promoción Económica, Xosé Manuel Iglesias, presentou unha xornada da Rede de Cooperación Local, na que tres investigadores da USC darán charlas a empresarios do Polígono do Tambre. O obxectivo destas charlas é darlles a coñecer a oferta investigadora da Universidade compostelán e como esta pode servir para mellorar os seus proxectos empresariais.

O concerto gratuíto de Muchachito Bombo Infierno e de Kiko Veneno o mércores 24 de maio será unha das actuacións máis destacadas das Festas da Ascensión, que se celebrarán do 24 ao 27 de maio. Este evento forma parte dun intenso programa de actividades, que tamén traerá a Santiago un concerto de Celtas Cortos e un festival de hip-hop.

O Concello de Santiago de Compostela e a axencia Europa Press presentaron hoxe Cadernos composteláns, unha plataforma de blogs vinculada á cidade compostelá e concibida para axudar aos veciños e colectivos a ter o seu propio diario persoal en Internet, cun enfoque principalmente local. Esta iniciativa que Santiago estrea hoxe enmárcase dentro dos actos de celebración do Día Mundial de Internet, o vindeiro 17 de maio.

O alcalde de Santiago, Xosé A. Sánchez Bugallo, e o conselleiro de Innovación e Industria, Fernando X. Blanco, asinaron un convenio de colaboración para a promoción de Santiago de Compostela no marco da rede "Cidades Santas", á que pertencen tamén Roma e Xerusalén. Este proxecto potenciará á cidade a nivel internacional como destino turístico.

A VI Campaña de Animación á Lectura do Concello de Santiago concluíu cunha animada sesión de contos e música á que asistiron un cento de nenos e nenas cos seus pais e nais. A Galería Sargadelos acolleu o acto de clausura, ao que asistiu a concelleira de Educación, Elvira Cienfuegos, o director de Kalandraka, Xosé Ballesteros, e os ilustradores Óscar Villán, Federico Fernández e Marc Taeger.

A Oficina da Cidade Histórica e rehabilitación do Concello de Santiago (OciHR) puxo en marcha por segundo ano consecutivo a Aula de renovación urbana e rehabilitación, que naceu co obxectivo de formar en técnicas de conservación dos centros históricos.

A integración medioambiental das poíticas futuras de transporte centrou a primeira xeira das Xornadas Técnicas sobre Transporte Urbano, que se celebran no Auditorio de Galicia. Nas sesións constatouse a contradición que supoñen as esixencias medioambientais do protocolo de Kioto co crecente uso do automóbil privado e as súa emisións, malia o incremento dos prezos do petróleo.

Santiago contará a partir do martes 23 de maio, ás 19:00 horas, cun singular parque infantil, adaptado plenamente para o acceso dos nenos con diminucións físicas. O Parque da Constitución convértese no terceiro destas características co que contará a cidade, e únese aos da Alameda e de Fontiñas. O Concello investiu neste parque un total de 102.000 euros.

"Move’m Cult & Danza, festival dos ritmos do mundo" trae a Santiago un espazo de divulgación de diversas cultura a través do movemento, da música e da arte. Este singular evento pretende implicar ós composteláns grazas a un completo programa de actividades a desenvolver en lugares coma o Teatro Principal, os centros socioculturais ou as propias rúas e prazas.