CASCO HISTÓRICO
As cidades brasileiras de Olinda e Juiz de Fora toman nota do modelo urbano de Compostela
O modelo de rehabilitación da cidade histórica segue a ser un referente internacional. Así quedou de relevo unha vez máis na reunión mantida pola concelleira de Rehabilitación e Casco Histórico, Mercedes Rosón, e polo arquitecto responsable da Oficina Municipal de Conservación e Rehabilitación da Cidade Histórica, Javier Fernández, cos seus socios do proxecto "Pagus-Al 2" (Programa Urb.-Al) na cidade brasileira de Olinda.
INMIGRACIÓN
Uruguai crea un rexistro cívico para os seus residentes no exterior
Os preto de 7.000 uruguaios residentes en Galicia poderán inscribirse nun rexistro cívico, que facilitará a súa localización e a prestación dunha serie de servizos para os mesmos. Este rexistro foi presentado pola concelleira de Emigración e Inmigración, Teresa Regúlez, e polo cónsul xeral de Uruguai en Galicia, Gonzalo Koncke.
FESTAS
Leilía presenta o espectáculo "Cantar ao vivo", creado especificamente para as Festas do Apóstolo
Leilía presenta o xoves 20 na Quintana, 10:30 horas, un espectáculo único para as Festas do Apóstolo. Unha hora e media para goce dos sentidos a través das súas voces e pandeiretas. Para esta ocasión tan especial, as cinco compoñentes de Leilía nos están soas. Contarán coa colaboración de grandes amigos que crearán un ambiente máxico no escenario. Antón Seoane e Nando Casal (Milladoiro), Pepe Freiz e Israel Rego (Alecrín), Xosé Manuel Budiño e Eric Liorzou de Bleizi...
TURISMO
A música e as curtametraxes toman a Praza do Toural
O xoves 20 de xullo, a partir das 22:00 horas, a Praza do Toural énchese de música e cine en curta. Comeza o programa CurtoCircuíto na Rúa’06 que cada xoves converterá unha prazas tradicionais de Compostela nun lugar de encontro para poder gozar de proxeccións e música a cargo de recoñecidos DJ’s. Unha festa de son, luces e cinema aberta a tódolos veciños e visitantes.
ALCALDÍA
A Cámara de Comercio e o alcalde coinciden na urxente aprobación do PXOM co máximo consenso
O alcalde compostelán, Xosé A. Sánchez Bugallo, xunto con varios concelleiros, mantivo na tarde do luns 17 de xullo unha reunión co pleno da Cámara de Comercio de Santiago para explicar as liñas xerais do Plan Xeral de Ordenación Municipal na actual conxuntura, na que se pon de manifesto a súa urxente aprobación.
MULLER
"O traballo das mestras en Galicia", outra das investigacións gañadoras do premio "Xohana Torres", chega ás librarías
"O traballo das mestras en Galicia: entre a produción e a reprodución" é o título do novo libro que recolle a investigación gañadora da edición 2003 do premio "Xohana Torres". A obra de Ana Sánchez Bello toma como referencia a este colectivo de mulleres para analizar o seu papel social e para afondar nos procesos polos que se xeran as desigualdades entre xéneros.
EDUCACIÓN
Os escolares composteláns participarán en varios programas de educación viaria o vindeiro curso
Fomentar os programas de educación viaria escolar no municipio de Santiago é o obxectivo do convenio de colaboración que asinaron a concelleira de Educación, Elvira Cienfuegos, e o secretario executivo da Fundación RACC, Alfonso Perona. Grazas a este acordo, que estará vixente ata 2010, realizaranse diversas accións formativas durante o curso escolar.
FESTAS
Preto de 300 músicos alegrarán as rúas da zona histórica na XXVIII Homenaxe ás Bandas Populares
A XXVIII Homenaxe ás Bandas Populares presentouse nunha rolda de prensa na que estiveron presentes o concelleiro de Festas de Santiago, Xosé Baqueiro; o organizador da xornada, Xosé Luís Bernal (Farruco); e a representante de Caixa Galicia, Patricia Maceira. O cartel desta edición foi deseñado por Emilio Lavandeira, quen mostra nunha simpática ilustración a esencia deste evento.
ENTREVISTA
Marta Álvarez-Santullano: "A nosa é unha web aínda nova, moi completa e aberta ás achegas dos usuarios"
O portal municipal vén de ser recoñecido por el xornal El País como unha das dez mellores webs municipais de España e a mellor de Galicia. A concelleira de Reforma Administrativa, Marta Álvarez-Santullano, valora este feito e os proxectos para seguir a mellorar a páxina e os seus servizos.
XUNTA DE GOBERNO
Figueiras contará cun ampliado e reformado centro cívico
A Xunta de Goberno Local aprobou o proxecto de reforma e ampliación do Centro Cívico da parroquia de Figueiras. O orzamento destas obras alcanza os 314.755 euros e permitirá a ampliación lateral do edificio actual conectado co existente e a súa reforma interior. O prazo de execución das obras, pendentes de adxudicación, é de oito meses.