Noticias

"Unha intervención que vén a completar unha área moi importante na definición final dos límites de este núcleo de poboación das Fontiñas en relación co propio periférico e a avenida de Lugo, facéndoo máis presente na moderna imaxe de Compostela". Así definiu o alcalde de Santiago, Xosé A. Sánchez Bugallo, o novo espazo residencial creado no polígono 6-7 de Fontiñas e que vén de inaugurar. Trátase de 332 vivendas protexidas e un investimento de...

A primeira fase da rehabilitación integral do polígono de Vista Alegre comprenderá 200 actuacións, segundo anunciou a concelleira de Rehabilitación e Casco Histórico, Mercedes Rosón. Nestas obras investiranse 4,9 millóns de euros, tal como se indica no programa-memoria desta etapa, que recolle as liñas básicas de recuperación desta zona urbana. Os propietarios de todas estas vivendas poderán solicitar en breve as axudas para as obras, segundo o previsto na Ordenanza xeral reguladora das axudas á...

"Producir, espallar, localizar…software en galego" é o título dunha xornada na que se analizará a situación da localización e da produción de software galego. Este punto de encontro situarase no Centro Sociocultural e Xuvenil Municipal o venres 29 de setembro, ás 10:00 horas.

A compañía compostelá de danza contemporánea BStudio trae ao Teatro Principal "De Meu", o seu novo espectáculo. Nesta coreografía social catro bailarinas reflexionan sobre a condición feminina. O público compostelán terá tres oportunidades para gozar da danza, os días 28, 29 e 30 de setembro, ás 21:00 horas.

O secretario xeral do Partido Socialista de Uruguai, Eduardo Fernández Arias, foi recibido polo alcalde compostelán, Xosé A. Sánchez Bugallo, co que falou do modelo de construción de vivenda social de Santiago. En particular, amosou interese polo funcionamento das empresas mixtas e polo sistema de expropiación dos solos.

O alcalde de Santiago de Compostela, Xosé A. Sánchez Bugallo, recibiu a representantes de diversos colectivos municipais, aos que agradeceu o traballo desenvolvido durante a vaga de incendios sufridos durante este verán no municipio compostelán.

O alcalde de Santiago, Xosé A. Sánchez Bugallo, asistiu á inauguración dun novo curso da Escola Municipal de Música. Alí recordou que era a cuarta ocasión que participaba na apertura do curso e, tras preguntarlles aos rapaces e rapazas pola súa opinión respecto á Escola, expresou o seu desexo de que a mesma sirva para que "aprendan a apreciar a música". Tamén participou no acto inaugural a concelleira de Educación, Elvira Cienfuegos quen recordou a nenos e pais que "facendo música...

O alcalde compostelán, Xosé A. Sánchez Bugallo mantivo un encontro coa subdirectora Xeral de Arquitectura do Ministerio de Vivenda, Inés Sánchez de Madariaga, que xirou fundamentalmente entorno á remodelación da Praza de Abastos.

A capital galega acollerá os días 27, 28 e 29 de setembro o Foro Profesional de Turismo Urbano e Cultural, co propósito de crear un lugar de intercambio de opinións e experiencias entre os principais profesionais do sector turístico español. Con esta iniciativa, Santiago colócase no punto de mira dos principais xestores turísticos nacionais, que durante tres días reuniranse para celebrar o Día Mundial del Turismo.

O Auditorio de Galicia acolleu a inauguración oficial da rolda de negocios que, ata o mércores 27, manterán representantes de empresas latinoamericanas con empresarios composteláns e do resto de Galicia. Neste encontro participan 22 empresas e entidades sectoriais de oito países latinoamericanos, así como outras 50 empresas compostelás e do resto de Galicia.