Noticias

Na súa habitual comparecencia dos venres para analizar a actualidade local, o alcalde de Santiago, Xosé A. Sánchez Bugallo, felicitouse pola decisión do Ministerio de Cultura de implicarse no festival Cineuropa. "Supón un respaldo a nivel nacional e o de Santiago pasa a ser un dos poucos festivais que conta coa colaboración directa do Ministerio", apuntou.

A Escola Infantil de Fontiñas, a segunda de titularidade municipal, bota a andar o luns 6. O alcalde compostelán, Xosé A. Sánchez Bugallo, salientou a gran satisfacción do Concello na inauguración do centro, e lembrou que xa se está a traballar para que Santiago conte con catro centros máis deste tipo para 2008.

A páxina web do Consorcio, www.consorcio-santiago.org mudou tanto a súa aparencia coma os seus contidos, co obxectivo de facilitar o seu manexo por parte dos cidadáns. A web, dispoñible en galego e castelán, presenta ademais novas seccións que permiten ao usuario informarse sobre tódolos proxectos que dependen do Consorcio. Deste xeito, pódense consultar os diferentes programas de rehabilitación vixentes para o Casco Histórico, así como a normativa ou os concursos convocados. Por outra banda, a páxina...

O recinto feiral de Amio acolle do 3 ao 4 de novembro o Salón do Automóbil de Ocasión e Importación, organizado pola Asociación Provincial de Talleres de Reparación de Vehículos da Coruña (ATRV).

No marco do irmandamento entre Santiago de Compostela e Santiago de Cuba, a Concellaría de Cultura celebra o programa "Os camiños de Santiago". Do 6 ao 14 de novembro, un amplo grupo de artistas composteláns ofrecerán unha mostra da nosa cultura na vila caribeña, no que será un auténtico "diálogo cultural", tal como o definiu o concelleiro de Cultura, Néstor Rego, na presentación das actividades.

O festival Cineuropa comeza cun concerto inaugural no Auditorio de Galicia. Nel, a Real Filharmonía interpreta cinco pezas musicais protagonistas de bandas sonoras, entre elas dúas compostas por Stephen Warbeck, as de Shakespeare in love e Billy Elliot. Neste mesmo acto entregaráselle un dos premios de Cineuropa deste ano ao compositor Stephen Warbeck, gañador dun Oscar pola banda sonora do filme Shakespeare in love, que tamén foi nominada para os premios Grammy.

O proxecto Equal Compostela Social segue xerando novas empresas, nacidas a partir da iniciativa dos seus participantes. Cando queda un ano para o remate do proxecto, son xa 17 as empresas que xa comezaron a súa actividade ou están a piques de facelo, e outras dez atópanse en fase de constitución. Para os próximos días está prevista a inauguración de tres novos proxectos empresariais, todos eles promovidos por mulleres.

O venres 3 de novembro, ás 20.00 horas, inaugúrase no Centro Sociocultural da Trisca a exposición "A historia vai por barrios", un proxecto que a concelleira de Centros Socioculturais, Mercedes Rosón, define como "un dos máis cobizosos" da rede centros dende o seu funcionamento. A primeira das exposicións dará a coñecer a historia do barrio de San Pedro, pero logo virán os de Villestro, Vite, Enfesta, A Rocha e o Ensanche. A mostra comezará no barrio implicado, pero logo pasará polo resto de...

O mércores 8 de novembro, ás 20:00 horas, entregaranse no Auditorio de Galicia e as bolsas 2006 para deportistas individuais convocadas pola Fundación Compostela Deporte. Esta edición contará co apadriñamento do ciclista galego Óscar Pereiro.

Tamén obtiveron o visto e prace as obras de rehabilitación para a ala sur da catedral e a segunda fase de restauración do Paseo da Alameda.