CULTURA
A Filharmonía amplíase para tocar Gershwin e Bernstein nun Concerto de Reis benéfico
O venres 5 de xaneiro, as dez da noite, o Auditorio de Galicia acolle un concerto que ten por protagonista á infancia. Nun día tan especial para os cativos como é a véspera de Reis, a RFG quere colaborar con UNICEF, destinando o importe íntegro da recadación do concerto á campaña "Unidos pola infancia. Unidos contra a SIDA". Ademais habilitarase unha fila cero para todos aqueles que queiran colaborar coa campaña, pero non poidan achegarse ata o Auditorio.
CULTURA
Os valses e as polcas soaron no Auditorio
A Strauss Festival Orchestra ofreceu un concerto no Auditorio de Galicia. Esta formación é en realidade a Orquesta Sinfónica da Ópera Nacional de Minsk, que toma este nome nas súas xiras do Gran Concerto de Aninovo. O alcalde compostelán, Xosé A. Sánchez Bugallo, no quixo perderse o concerto.
ACTO INSTITUCIONAL
Compostela amosou a súa repulsa ao terrorismo
A Praza do Obradoiro acolleu unha concentración silenciosa contra o terrorismo e pola paz. Os cidadáns alí congregados quixeron así amosar a súa repulsa pola atentado acontecido o sábado 30 de decembro no aparcadoiro da Terminal 4 do aeroporto de Madrid-Baraxas.
XUNTA DE GOBERNO
Aprobado o proxecto de urbanización do polígono do SUP-3 de Pontepedriña
Trala resolución das alegacións, a Xunta de Goberno local aprobou definitivamente o proxecto de urbanización do polígono 2 do SUP-3 de Pontepedriña. Cómpre lembra que a actuación neste solo afecta a un total de 5,2 hectáreas, nas que se construirán 412 vivendas.
ALCALDÍA
Recepción ao novo director do Hostal dos Reis Católicos
O alcalde de Santiago, Xosé A. Sánchez Bugallo, recibiu en Raxoi ao novo director do Hostal dos Reis Católicos, Francisco Contreras Alvarado, recentemente incorporado ao cargo. Na entrevista, ámbolos falaron dos plans de futuro para o parador, tan ligado á historia de Compostela.
