ALCALDÍA
Os traballadores do Concello celebraron a festividade de Santa Rita
O alcalde compostelán, Xosé A. Sánchez Bugallo recibiu aos traballadores municipais, con motivo da celebración de Santa Rita de Casia, patroa da Administración Local.
DEPORTES
O Beirasar Rosalía brindou o seu ascenso á cidade
Xogadores, técnicos, directivos e patrocinadores do club de baloncesto Beirasar Rosalía foron recibidos en Raxoi polo alcalde, Xosé A. Sánchez Bugallo, e outros membros da Corporación municipal, con motivo do ascenso do equipo á Liga LEB.
CONSORCIO
O "Compostela Organum Festival" péchase cun concerto no convento de San Paio
O sábado 26 de maio, ás 20:30 horas, o convento de San Paio de Antealtares acollerá o último concerto do "Compostela Organum Festival". Eric Brottier interpretará ao órgano pezas de Francisco Correa de Arauxo, Girolamo Frescobaldi, Domenico Scarlatti, Antonio Valente, Pablo Bruna e Antonio Correa Braga.
PROMOCIÓN ECONÓMICA
Comeza a selección de alumnos para o curso de carpintería de Promoción Económica e Emprego
A Concellaría de Promoción Económica e Emprego levará a cabo, os días 28 e 29 de maio o proceso de selección de alumnos para o curso de carpintería. Esta actividade formativa, incluída no Plan FIP (Formación e Inserción Profesional), está destinada a persoas desempregadas. Ademais, durante toda a semana, continuará o proceso de selección de alumnos do curso de cantería, oficio no que se rexistra unha alta demanda laboral.
PROMOCIÓN ECONÓMICA
O Servizo de Atención Temperá informa a educadores e familias sobre os problemas que afectan aos menores
O Servizo de desenvolvemento infantil e atención temperá da Concellaría de Promoción Económica e Emprego, formado por unha psicopedagoga, 1 mestra de infantil e unha psicóloga, comezou o 23 de maio unha serie de sesións informativas en seis escolas infantís de Santiago, destinadas ás familias e aos educadores. Abordan tres temas: problemas de conduta, sobreportección de menores e adaptación á escola infantil.
ALCALDÍA
Escolas católicas de setenta países debaten o seu futuro en Compostela
Santiago acolle ata o venres 25 de maio a Asemblea Mundial das Escolas Católicas, promovida pola Oficina Internacional da Educación Católica (OIEC).
DEPORTES
O alcalde recibirá en Raxoi ao Beirasar Rosalía
Tempo de celebracións no deporte compostelán e do baloncesto en particular, tralo ascenso do Beirasar Rosalía á Adecco LEB. Despois da vitoria en Ourense, que supuxo o 3-0 definitivo na eliminatoria, xogadores, técnicos e directiva brindan o éxito á cidade.
EDUCACIÓN E CULTURA
Comezan os concertos didácticos da Banda Municipal
O venres 25 de maio, no Auditorio de Galicia, terá lugar o primeiro concerto do ciclo de concertos didácticos que organizan os departamentos de Educación e Mocidade e Cultura, xunto coa Banda Municipal de Música de Santiago.
PROMOCIÓN ECONÓMICA
As empresas teñen de prazo ata o 16 de xuño para solicitar axudas para contratar alumnos de excelencia académica
Ata o 16 de xuño está aberto o prazo para que as empresas soliciten as axudas previstas no Programa de formación e prácticas en empresas para alumnas/os de excelencia académica da USC.
ALCALDÍA
O Concello comprométese coa Arquiconfraría a axilizar os trámites necesarios para que a cidade teña albergue de peregrinos en 2009
O alcalde compostelán, Xosé A. Sánchez Bugallo, e o presidente da Xunta Central da Arquiconfraría Universal do Apóstolo Santiago, Agustín Dosil Maceiras, veñen de asinar un protocolo de colaboración no que se plasma o firme compromiso do Concello de axilizar a modificación puntual do Plan especial de protección e rehabilitación da Cidade Histórica, actuación necesaria para construír un albergue de peregrinos na parcela do Seminario Menor, en Belvís. No acto de sinatura presentouse...
