SERVIZOS SOCIAIS
O Concello incrementa nun 32% a achega a Cáritas, que alcanza os 140.000 euros en 2015
A concelleira de Servizos Sociais, María Corral, participou no acto de entrega de diplomas acreditativos de accións formativas promovidas por Cáritas Interparroquial de Santiago dentro do II Plan Galego de Inclusión Social e do Proxecto Integra-Rocha, dos que se beneficiaron 73 persoas de colectivos de difícil inserción.. O Concello vén colaborando activamente con esta entidade social e para 2015 incrementou nun 32% a partida destinada á mesma nos orzamentos municipais, pasando dos 106.000 aos 140.000 euros.
CULTURA
O ciclo Sons’15 propón dez novos concertos para os meses de xaneiro a marzo
O director-xerente do Auditorio de Galicia, José Víctor Carou, presentou a programación do ciclo Sons’15 para os meses de xaneiro a marzo, cun total de 10 propostas. Fíxoo acompañado de membros de Pandeiromus e A Roda, que son os dous primeiros grupos que ofrecerán a súa música no ciclo, neste mes de xaneiro. A Roda contará ademais no seu concerto cunha artista convidada: Najla Shami.
ALCALDÍA
María Antón asistiu á audiencia que Felipe VI concedeu ao Grupo de Cidades Patrimonio da Humanidade de España
A Súa Maxestade o Rei Felipe VI recibiu aos representantes municipais das 15 cidades que forman o Grupo de Cidades Patrimonio da Humanidade de España. A segunda tenente de alcalde e concelleira de Cultura e Patrimonio, María Antón, asistiu a esta audiencia co monarca.
TURISMO
Entregados os premios do Santiago(é)Tapas
Celebrouse no Hostal dos Reis Católicos a gala de entrega de premios do VII Santiago(é)Tapas, celebrado do 14 ao 30 de novembro. A concelleira de Turismo, Reyes Leis, asistiu ao evento.