REFORMA ADMINISTRATIVA
Os composteláns xa poden acceder á Carpeta Cidadá do Concello co DNI electrónico
Os cidadáns de Santiago de Compostela xa poden utilizar o seu DNI Electrónico (DNIe) para acceder á Carpeta Cidadá e realizar trámites administrativos a través de Internet sen necesidade de desprazarse ata as dependencias municipais.
EMPREGO
Promoción Económica oferta catro cursos de teleformación dirixidos a persoas ocupadas
A Concellaría de Promoción Económica e Emprego organiza, de xeito gratuíto, catro cursos de teleformación para traballadores ocupados, financiados por Caixa Galicia. Estas actividades formativas, enmarcadas na Rede de Cooperación Local, son Habilidades directivas, Calidade, Loxística integral e Inglés industrial. O prazo de inscrición remata o 15 de marzo. Cada un dos cursos oferta 15 prazas.
TURISMO
O Fórum Gastronómico recoñece os produtos máis innovadores
Dez empresas optan aos IV Premios InnoFórum que convoca Fórum Gastronómico Santiago’08, que se celebrará do 16 ao 20 de febreiro en Compostela. Os galardóns queren recoñecer o esforzo innovador das empresas dentro do sector da gastronomía.
CENTROS SOCIOCULTURAIS
Lucía Dubra expón na Trisca a súa visión da mirada dos nenos
O Centro Sociocultural da Trisca acolle do 13 ao 29 de febreiro a exposición de Lucia Dubra "O pousar da mirada". Trátase dunha mostra de pintura ao óleo dedicada ás miradas dos picariños a través da tenrura, da alegría, da confianza, do amor...
ALCALDÍA
A Praza de Abastos, garantía de peixe fresco
O alcalde compostelán, Xosé A. Sánchez Bugallo, acompañou ao presidente da Xunta, Emilio Pérez Touriño, e a conselleira de Pesca, Carmen Gallego, na presentación da marca de calidade " PescadeRías, ¿de onde se non?" na Praza de Abastos. Este selo, que comezará a expedirse o 7 de marzo, certifica que os produtos que o leven foron capturados como máximo 24 horas antes da súa primeira venda.
EDUCACIÓN
As escolas rurais acollen unha sesión de contacontos solidarios
O mércores 13 de febreiro, nas escolas rurais de Compostela, terá lugar unha sesión de contacontos solidarios a cargo do colectivo Biscis pola Paz.
TRANSPORTES
Actualización de prezos nos aparcadoiros públicos e no mercado de Amio
Os prezos dos aparcadoiros públicos actualízanse de acordo ao incremento do Índice de Prezos ao Consumo (4,20%). O cambio de tarifas afecta aos estacionamentos de San Clemente, Hórreo, San Caetano, Praza de Vigo, Praza de Galicia, Romero Donallo, Ponte Castro-A Rosa e Praza Roxa.
CONSORCIO
A Facultade de Xeografía e Historia xa ten o documento base para estudar a súa rehabilitación
O alcalde compostelán, Xosé A. Sánchez Bugallo, entregoulle á decana da Facultade de Xeografía e Historia, María del Mar Linares, o estudo realizado polos arquitectos da Aula de Rehabilitación do Consorcio que servirá de base para elaborar un Plan Director do edificio.
BENESTAR SOCIAL
Un equipo de inclusión sociolaboral atenderá a persoas con dificultades de acceso ao mercado de traballo
A Xunta de Goberno deu conta da sinatura do convenio de colaboración entre o Concello e a Vicepresidencia da Igualdade e do Benestar para a contratación e posta en funcionamento dun equipo de inclusión sociolaboral. O convenio, asinado en xaneiro, está incluído no II Plan Galego de Inclusión social e supón un investimento de 133.320 euros.
PROMOCIÓN ECONÓMICA
Máis de 1,3 millóns de euros para o proxecto Persoa IV e para o Plan de Acción Local polo Emprego
O Goberno local aprobou os proxectos Persoa IV e o Plan de Acción Local polo Emprego 2008-2009. O primeiro ten un orzamento total de 720.000 euros e o segundo de 600.00 euros. Dáse así continuidade a dúas iniciativas que funcionaron con éxito en pasadas edicións.