Noticias

Nun pleno extraordinario solicitado polo Partido Popular, o PSdeG-PSOE e o BNG explicaron o Acordo de Goberno 2007-2011 subscrito entre ámbalas formacións o 19 de xuño. O alcalde, o tenente de alcalde e os voceiros dos dous grupos municipais ratificaron os compromisos asinados entón e responderon ás preguntas do voceiro do PP, Gerardo Conde Roa, sobre os mesmos.

As Festas do Apóstolo xa están en marcha. A actriz galega Isabel Blanco encargouse de abrilas co tradicional pregón dende os balcóns do pazo de Raxoi. Abaixo, na praza do obradoiro, milleiros de persoas escoitaron as verbas dunha pregoeira que falou da súa relación con Compostela.

As Festas do Apóstolo arrincan cun cartel de luxo. Agárdanos 19 días cheos de actividades, grandes espectáculos e concertos pensados para o goce de toda a familia, os máis mozos e os turistas. As Festas arrincan coa lectura do pregón a mans da actriz galega Isabel Blanco, que dará paso ao concerto da cantante de Operación Triunfo, Soraya Arnelas quen presentará o seu novo disco, "Ochenta´s".

Os nove gañadores da campaña de recollida de plástico, latas e briks promovida por Ecoembes recibiron os vales que lles permitirán gozar dunha estancia de fin de semana para dúas persoas nunha casa de turismo rural de Galicia.

O alcalde compostelán, Xosé A. Sánchez Bugallo, acompañado de varios membros da Corporación municipal, inaugurou oficialmente unha nova edición de Ferradura Aberta. As actividades prolongaranse ata o 27 de xullo.

Santiago acollerá o 27 e 28 de setembro a primeira reunión da Rede de Entidades para o Desenvolvemento Local (REDEL), da que Compostela é socio fundador. No encontro concretaranse as accións contempladas no Plan de Actuación 2007. O plan, aprobado o 31 de xaneiro do 2007 en Bilbao, contempla tres liñas de acción: reflexión sobre áreas clave de actuación, comunicación externa e desenvolvemento de proxectos, e acceso a financiamento. A estas liñas de traballo engádese a de labores de xestión...

O concelleiro de Promoción Económica, Comercio, Emprego e Turismo, Xosé Manuel Iglesias, e o tenente de alcalde, Néstor Rego, reuniranse o venres 13 co Conselleiro de Innovación e Industria, Fernando Blanco. Na xuntanza trataranse diferentes temas dos ámbitos nos que teñen competencias comúns a Concellería e a Consellería: a promoción económica, o comercio e o turismo.

As Festas do Apóstolo arrincan o venres 13, coa lectura do pregón, que correrá a cargo da actriz galega Isabel Blanco. Para esta emigrante retornada de Suíza supón "unha grande ilusión poder iniciar co meu pregón as festas do Apóstolo deste ano e que se recoñeza o meu traballo".

O Concelleiro de Promoción Económica, Comercio, Turismo e Emprego, Xosé Manuel Iglesias, presentou as bases do Concurso de Imaxinación máis Comercio 2007 (I+C). Nesta edición, o certame chega con máis premios e de maior contía.

O tradicional concerto que a Banda Municipal de Música vén ofrecendo na Rúa do Vila, os xoves ás 19:30 horas, cambia de escenario este xoves por mor da inauguración oficial de Ferradura Aberta. Así, o concerto desenvolverase ás 19:00 horas no Paseo Central da Alameda.