Noticias

O reitor da Universidade de Arquitectura de Hanoi (Vietnam), Tran Trong Hanh, foi recibido en Raxoi polo alcalde compostelán, Xosé A. Sánchez Bugallo. No encontro, falaron sobre o modelo de transformación urbana de Santiago como un exemplo a estudar nos procesos de cambio que están vivindo as cidades vietnamitas a causa das migracións masivas procedentes do campo.

A Concellaría de Cultura e a Consellería de Cultura deseñaron unha oferta cultural conxunta que inclúe música clásica actual, cinema e actividades de animación á lectura. En total, a cidade acollerá 12 concertos de música folk, fusión e canción de autor, 9 concertos de música antiga vocal e contemporánea, 40 proxeccións de documentais galegos e 60 actividades literarias.

O alcalde compostelán, Xosé A. Sánchez Bugallo, foi recibido este mediodía en San Caetano polo presidente da Xunta, Emilio Pérez Touriño, co que falou da participación de Santiago na Expo 2010 de Shanghai (China). O xefe do Executivo autonómico manifestoulle o seu total apoio a este proxecto, que máis alá do propia cidade, representará a Galicia nun evento internacional de gran magnitude.

Compostela Máxica 2008. II Semana Internacional do Ilusionismo terá o venres 18 de abril unha das súas xornadas máis especiais por levar a maxia preto daqueles que teñen máis problemas. Así, chegará aos centros especiais e ao Hospital Clínico para repartir gargalladas e ilusións en sitios onde son máis necesarias aínda.

Chega a sexta edición dos Premios Educacompostela, na busca de recursos educativos en prol da innovación, da calidade educativa e da renovación pedagóxica. Os mellores traballos recibirán premios de 1.200, 900 e 600 euros.

O V Certame de poesía Aurelio Aguirre e o VII Certame de relato curto José Saramago xa teñen gañadores. Son, respectivamente, Alba Cid Fernández e David Vázquez Álvarez. Nesta edición presentáronse 27 traballos de poesía e 21 relatos curtos.

Dentro do programa de actividades desenvolvidas con motivo da mostra A Historieta Galega, os debuxantes Norberto Fernández, Jacobo Fernández, Fran Bueno e Pepe Carreiro impartiron os seus talleres nos que introduciron e mostraron aos pequenos as técnicas para facer historietas. O resultado destes talleres, que tiveron un gran éxito de público, pode verse nos debuxos que agora se expoñen no Punto de lectura da sala de exposicións Isaac Díaz Pardo do Auditorio de Galicia.

O xoves 17 de abril, ás 21:00 horas, terá lugar un novo concerto de abono no Auditorio. Nesta ocasión, a protagonista é a Orquestra Sinfónica de Galicia, baixo a batuta do seu titular, Víctor Pablo Pérez.

A asociación veciñal "O Ensanche" conta con nova directiva. Os seus integrantes reuníronse co alcalde, Xosé A. Bugallo, no centro Sociocultural e Xuvenil do Ensanche.

Thao-Salud Infantil é un programa de prevención da obesidade infantil que se realiza a nivel municipal, con accións continuadas durante catro anos. Santiago decidiu unirse ao mesmo. Sobre este tema falaron en Raxoi o alcalde compostelán, Xosé A. Sánchez Bugallo, e o catedrático de Pediatría Rafael Tojo.