ALCALDÍA
A rúa Torreira gaña novas beirarrúas e prazas de estacionamento
O alcalde compostelán, Xosé A. Sánchez Bugallo, acompañado polo concelleiro de Obras e Infraestruturas, Bernardino Rama, visitou as obras de reurbanización realizadas na rúa Torreira, financiadas no marco dos Fondos Estatais para o Emprego e a Sostibilidade Local. Esta intervención permitiu darlle unha apariencia urbana ao vieiro -que agora é de sentido único- creando beirarrúas e 32 prazas de estacionamento.
EDUCACIÓN
A Escola Municipal de Música abre as súas portas ás familias da rede de escolas infantís
Preto dun cento de familias con nenos das escolas infantís municipais de Conxo, As Fontiñas, Tambre e San Roque participaron nunha actividade de educación musical. A concelleira de Educación, Mercedes Rosón, aproveitou esta sesión especial para valorar o traballo realizado arredor da promoción da música dende as idades máis temperás e afirmou o compromiso de "continuar esta liña de traballo en rede entre os diferentes servizos municipais, que fan crible e enchen de contido o desexo dunha cidade educadora".
ALCALDÍA
O Castiñeiriño fai memoria da súa historia
O alcalde compostelán, Xosé A. Sánchez Bugallo, asistiu no Centro Sociocultural "Agustín Bueno" do Castiñeiriño á proxección do documental A memoria do Castiñeiriño. O documental recupera a memoria deste barrio, con testemuñas veciñais.
ALCALDÍA
Salgueiriños mellora a súa calidade visual, ambiental e de accesibilidade
O alcalde compostelán, Xosé A. Sánchez Bugallo, e a concelleira de Medio Ambiente, Elvira Cienfuegos, visitaron as obras de recuperación do río Corgo e do parque de Salgueiriños, realizadas por 515.373 euros con cargo ao Fondo Estatal para o Emprego e a Sostibilidade Local. A actuación supuso unha gran mellora da calidade ambiental no ámbito de Salgueiriños e da súa zona de influencia.
ALCALDÍA
Santiago únese á conmemoración dos 125 anos de Monforte como cidade
A Alameda acolle unha exposición coa que se conmemora o 125 aniversario da declaración de Monforte como cidade, acontecido en 2010. A exposición foi inaugurada polo alcalde compostelán, Xosé A. Sánchez Bugallo, e polo seu homólogo monfortino, Severino Rodríguez Díaz.
ALCALDÍA
O alcalde recalca o crecemento do aeroporto de Lavacolla en xaneiro e febreiro "sen ningunha axuda nin colaboración"
O alcalde compostelán, Xosé A. Sánchez Bugallo, valorou o crecemento, tamén en febreiro do aeroporto de Lavacolla. Ademais, destacou que o crecemento nestes primeiro bimestre do ano se produciu "sen ningunha axuda nin colaboración, cousa que non poden dicir os outros dous aeroportos, que reciben axudas dende xaneiro".
REHABILITACIÓN
Un millón de euros para a posta en valor do xacemento do Castelo da Rocha Forte
O Concello vai asinar un convenio co Ministerio de Cultura para o estudo, recuperación e posta en valor do xacemento do Castelo da Rocha. A concelleira de Cidade Histórica e Rehabilitación, Olga Pedreira, explicou en rolda de prensa a proposta de acordo que se remitirá ao Ministerio.
COMERCIO
Constituída a Mesa Local do Comercio
O concelleiro de Promoción Económica, Emprego, Comercio e Turismo, Xosé Manuel Iglesias, presidiu a constitución da Mesa Local do Comercio, reunida na Sala Circular do Auditorio de Galicia. Respóndese así ao requirimento remitido ao Concello pola Xunta de Galicia a comezos de febreiro, polo que se concedía un prazo de vinte días hábiles para a súa creación e remisión á Administración autonómica da acta de constitución.
PARTICIPACIÓN CIDADÁ
A Casa das Asociacións acolle a mostra "A Autonomía Galega nas caricaturas de Siro"
Do 18 de marzo ao 2 de abril, a Casa das Asociacións acollerá a exposición A Autonomía Galega nas caricaturas de Siro. Nela aparecen todos os persoeiros que participaron activamente na construción da Autonomía, dende a óptica do humor e da ironía.
ALCALDÍA
Os veciños de Rosalía de Castro e Choupana, satisfeitos coa súa nova avenida urbana
O alcalde compostelán, Xosé A. Sánchez Bugallo, mantivo un encontro cos veciños de Rosalía de Castro – A Choupana, trala reurbanización do entorno e tres meses despois do seu remate. Foi momento para conversar sobre os cambios nesta vía, de 1,2 quilómetros de longo, que mudou radicalmente de aspecto, incorporando ademais novos servizos. O investimento final foi de 3,3 millóns de euros.