Noticias

O encontro que mantiveron o alcalde da cidade, Xosé A. Sánchez Bugallo e o novo comisario xefe da Policía Nacional de Santiago, José Luis Fernández, serviu para poñer de manifesto que a colaboración entre o Concello e o Ministerio de Interior, entre a Policía Local e a Nacional, segue a producir bos resultados para Compostela e os seus habitantes.

A exposición "Alejandro de la Sota: proxectos e maquetas", promovida polo Consorcio de Santiago, pode verse a partir do venres 15 e ata o 11 de outubro no centro A Chocolatería. Ocasión para contemplar a obra dun arquitecto galego "de gran recoñecemento no Estado e que desenvolveu o seu labor en tempos moi pouco proclives", segundo indicou o alcalde compostelán, Xosé A. Sánchez Bugallo, na presentación da mostra.

Desde o venres 15 de setembro, e ata o vindeiro día 22, Néstor Rego asumirá as funcións de alcalde, debido á viaxe que o rexedor compostelán, Xosé A. Sánchez Bugallo, realizará a Madrid e a Bos Aires.

O proxecto Equal Compostela Social comeza a recoller os seus froitos. Logo dun ano de execución, o número de empresas xa creadas ou a piques de comezar a súa actividade chega ás 16, todas elas asentadas na cidade de Santiago e a súa área de influenza.

"O mundo da cor" é unha das máis de dezaseis iniciativas xurdidas nos últimos tempos dentro do proxecto Equal Compostela Social, que coordina a concellaría de Promoción Económica e Emprego e no que participan outras entidades e organismos da cidade, así coma varios concellos da bisbarra compostelá.

Protagonismo ruso na primeira noite do Ciclo de Lied no Principal. Ademais de pezas de Schumann e Mozart, a soprano Joan Rodgers e o pianista Roger Vignoles incluirán no seu repertorio as cancións de "O cuarto dos nenos" compostas por Mussorgski en 1873 e as 'Sátiras' de Shostakovich.

A Concellaría de Política Lingüística colaborará coa Deputación da Coruña na posta en marcha de dúas campañas, unha de promoción da transmisión interxeracional da lingua galega e outra de difusión das boas prácticas lingüísticas na Administración local. Estas iniciativas son froito dun convenio asinado entre ámbalas institucións e supoñen un investimento de 56.800 euros.

O venres 22 de setembro, aqueles composteláns que o desexen poderán utilizar gratis o servizo de autobuses urbanos e unirse así á celebración do Día sen coches. Así o anunciou o concelleiro de Transportes, Xaquín Fernández Leiceaga, quen indicou que esta iniciativa pretende "captar novos usuarios dos autobuses urbano" e servir de apoio á esta xornada de concienciación medioambiental.

A empresa Arrendamientos Tecnológicos y Servicios, dedicada ao soporte tecnolóxico para eventos e congresos, e a ludoteca Gazafello foron os proxectos gañadores do Concurso de novas ideas empresariais, dentro do programa Compostela Activa. En total presentáronse ao certame dezasete proxectos empresariais, que no momento de presentar a súa solicitude non podían ter iniciada a actividade. Estas iniciativas estaban distribuídas entre as dúas categorías establecidas: edición xeral e novas ideas empresariais promovidas por...

A Trova Camagüeyana chega de novo a Santiago para amosar os sons cubanos máis tradicionais. O xoves 14, ás 22:00 horas, no Teatro Principal, a agrupación pecha un periplo de dezaoito meses que os levou a diversos países europeos.