Noticias

O grupo de teatro afeccionado máis antigo de Galicia despide a montaxe coa que leva dous anos e medio de xira e máis de trinta funcións. O pano do Teatro Principal poralle o punto final a Melocotón en xarope, a tradución da obra de Miguel Mihura coa que Ditea celebra o seu cincuentenario. Será o sábado 19 ás 21:00 horas.

Aproveitando a súa presenza en Santiago con motivo do irmandamento entre os colexios da avogados de Santiago e Melilla, o vicepresidente da Cidade Autónoma de Melilla, Abdelmaik El Barkani, propúxolle ao alcalde compostelán, Xosé A. Sánchez Bugallo, o irmandamento entre as dúas cidades.

A Unidade Municipal de Atención ao Drogodependente recibiu a medalla de ouro do Colexio de Avogados de Santiago de Compostela. O galardón distinguiu á UMAD polo seu traballo no campo da rehabilitación e atención a persoas con problemas derivados do uso, o abuso e a dependencia das drogas.

A sesión inaugural do Fórum Gastronómico Santiago’08 contará coa participación da prestixiosa cociñeira Carme Ruscalleda. Responsable do restaurante Sant Pau en Sant Pol de Mar (Barcelona), Ruscalleda protagonizou unha fulgurante carreira ao longo dos últimos vinte anos que a levou a obter tres estrelas Michelin polo seu establecemento catalán e dous polo seu restaurante de Tokio.

A asistencia aos catro principais espectáculos musicais celebrados no Multiusos Fontes do Sar en 2007 tivo un impacto económico, en forma de gasto global, de 796.694 euros. Esta cifra alcanzaría mesmo 1.669.237,6 euros incluíndo o gasto en entradas, segundo reflicte o informe realizado polo Centro de Estudos e Investigacións Turísticas (CETUR).

"Artistas con xeografía propia que apostan pola hibridación de estilos". Así define o xerente do Auditorio, Pablo Rodríguez, aos integrantes do cartel de concertos do primeiro semestre de Sons da Diversidade. O ciclo xa trouxo a 49 artistas nas súas catro edicións anteriores. A súa quinta edición ábrena os irlandeses Moving Hearts o sábado 19 de xaneiro.

A Unidade Municipal de Atención ao Drogodependente, organismo que pertence á Concellaría de Benestar Social e Muller, será galardoada mañá coa medalla de ouro do Colexio de Avogados de Santiago de Compostela. Esta institución considera que a UMAD se fai merecedora do premio polo traballo que vén realizando dende a súa creación, en 1.986, no campo da rehabilitación e atención a persoas con problemas derivados do uso, o abuso e a dependencia das drogas.

Galicia é coñecida en todo o mundo polo marisco das súas rías. Por iso este é o produto elixido como eixo do mes de xaneiro do programa gastronómico Santiago de Compostela. Repetirás.

O Concello de Santiago foi un dos protagonistas da V Noite dos Autores, organizada pola Sociedade Xeral de Autores e Editores (SGAE) e celebrada no Hostal dos Reis Católicos. O alcalde, Xosé A. Sánchez Bugallo, recolleu o Premio ao Empresario Público, polo labor municipal en prol dunha "programación rica e diversa, que fixo de Compostela un referente cultural internacional".

O ministro de Cultura, César Antonio Molina, achegouse na tarde do xoves 17 ao Pazo de Bendaña para visitar as instalacións da Fundación Granell.