Noticias

Un grupo de nove alumnos mexicanos están formándose en Compostela no marco o do programa de posgrao que a Universidade de Anahuac de Xalapa (capital do Estado de Veracruz-México) e a Universidade de Santiago imparten conxuntamente. Todos eles, acompañados dunha profesora, foron recibidos polo alcalde, Xosé A. Sánchez Bugallo.

A aprobación pola Xunta de Goberno do proxecto de expropiación, polo procedemento de taxación conxunta, do Plan de sectorización do SUNP-11 (Castiñeiriño) achega o inicio das obras neste solo, no que se construirán preto de 200 vivendas.

O Goberno local adxudicou as obras de reforma dos vestiarios nas piscinas exteriores do Multiusos Fontes do Sar, por importe de 178.035 euros. A obra, deseñada polo arquitecto Jorge Barata, será financiada polo Consorcio de Santiago.

O concelleiro de Promoción Económica, Emprego, Comercio e Turismo, Xosé Manuel Iglesias, anunciou a posta en marcha do Plan de Desestacionalización Turística de Santiago, que este ano ten unha orientación eminentemente gastronómica.

O alcalde compostelán, Xosé A. Sánchez Bugallo, recibiu en Raxoi ao ministro de Asuntos Económicos e Comerciais de Israel, Amos Wohl. Este atópase de visita en Galicia co obxectivo de preparar o primeiro Encontro Empresarial de Galicia con Israel.

O Festival de cine euro-árabe Amal 007 proxectará do 22 ao 31 de outubro un total de 47 filmes: trinta curtametraxes, nove longametraxes e e oito documentais. O evento chega así á súa quinta edición, confirmándose como o primeiro festival competitivo destas características en España.

O Festival Internacional de Curtametraxes Curtocircuíto pechouse cunha gala na que se entregaron os premios desta cuarta edición. O filme Cousas de Kulechov, de Susana Rey, fíxose co premio á mellor curta galega.

O concelleiro de Promoción Económica, Emprego, Comercio e Turismo, Xosé Manuel Iglesias, presentou dez ]Microguías de Oportunidades de Negocio. As guías enmárcanse no Plan de Excelencia Comercial, en concreto no eixo de actuación denominado Impulso de Novas Iniciativas Comerciais.

Trala súa visita á Cidade da Cultura de Asturias, o alcalde compostelán, Xosé A. Sánchez Bugallo, apuntou a súa aposta por "establecer colaboración ou rutas culturais dende o Guggenheim á Cidade da Cultura", pasando polo complexo asturiano. Na súa opinión, "pódese vender un pronto atractivo e interesante" a partir de feitos como "a calidade das nosas paisaxes e unha oferta cultural moi potente".

O alcalde compostelán, Xosé A. Sánchez Bugallo, recibiu en Raxoi a tres membros da Real Academia de Ciencias Económicas e Financeiras. Estes comunicáronlle que Santiago será escenario da vindeira xuntanza desta corporación, polo que a cidade acollerá ás máis relevantes personalidades académicas do mundo económico e financeiro.