ALCALDÍA
Peregrinación a Compostela para reivindicar a importancia do exercicio físico na rutina diaria das persoas con diabetes
O alcalde de Santiago, Martiño Noriega, recibiu un grupo de máis de 40 persoas con diabetes de Navarra e de El Bierzo, participantes do Reto "Camina por la Diabetes a Santiago", que chegaron este venres a Santiago tras facer seis etapas do Camiño de Inverno, o que supuxo percorrer máis de 110 quilómetros. Os peregrinos e peregrinas fixeron a última etapa, dende o Monte do Gozo ata a praza do Obradoiro, acompañados por un nutrido grupo de amigos, familiares e outras persoas que quixeron amosarlles o seu apoio.
TURISMO
A praza de Mazarelos acollerá múltiples actividades para celebrar as festas de San Xoán
A concelleira de Igualdade, Desenvolvemento Económico e Turismo, Marta Lois, presentou a segunda edición do programa festivo de Turismo de Santiago para potenciar o atractivo turístico da noite de San Xoán na cidade.
IGUALDADE
Máis de 50 concellos de toda Galicia amosan o seu interese pola campaña "En negro contra as violencias"
A concelleira de Igualdade, Desenvolvemento Económico e Turismo, Marta Lois, presidiu esta mañá a primeira xuntanza político-técnica da campaña En negro contra as violencias, cuxa preparación bota a andar hoxe e se desenvolverá no mes de novembro.
MEDIO AMBIENTE
O proxecto "Descarboniza! Que non é pouco…" chega á fin e prepara a súa continuidade
Nos próximos días vai chegar á súa fin o proxecto Descarboniza! Que non é pouco…, que se desenvolveu durante o primeiro semestre do ano nunha primeira etapa de proba. As últimas actividades serán un roteiro por Fontiñas, que ten o obxectivo de repensar o barrio dende a sustentabilidade, e que se desenvolverá mañá sábado no marco do The Bloque en Bloque Festival; e un obradoiro de cociña vegana en Lavacolla, o próximo luns.
ALCALDÍA
O alcalde visita o Museo Sirio do Colexio A Inmaculada
O alcalde visitou esta mañá o Colexio A Inmaculada, para coñecer o "Museo Sirio" que construíu o seu alumnado utilizando material de refugallo. Martiño Noriega encargouse da inauguración simbólica deste espazo, e tivo a oportunidade de conversar cos rapaces e rapazas que participaron na súa elaboración.
EDUCACIÓN E CIDADANÍA
A Escola Municipal de Música celebrou o seu festival de fin de curso
O Auditorio Abanca acolleu o concerto de fin de curso da Escola Municipal de Música. Como en cada edición, esta actuación ten o obxectivo de dar a coñecer o traballo desenvolvido polas diferentes agrupacións da EMM ao longo do curso. Participaron máis de 200 alumnos e alumnas, acompañados do profesorado da EMM e das súas familias.
CONVIVENCIA E BENESTAR ANIMAL
O Concello anima os donos dos animais a seren responsables e recoller os seus excrementos
O concelleiro de Medio Ambiente e Convivencia, Xan Duro, e a responsable de Benestar Animal, Noa Morales, presentaron hoxe unha campaña de concienciación que leva por nome "Eu tamén fago cidade". O obxectivo é fomentar unha tenencia responsable dos animais domésticos, sobre todo no que ten que ver coa recollida dos excrementos dos cans nos espazos públicos da cidade.
CENTROS SOCIOCULTURAIS
A música de Jamila Purofilin chega aos centros socioculturais da man do Concello e da SGAE
A artista cubana afincada en Santiago Jamila Purofilin ofrecerá catro concertos noutros tantos centros socioculturais, grazas á colaboración entre o Concello de Santiago e a Fundación SGAE. O ciclo de actuacións foi presentado hoxe en rolda de prensa pola concelleira responsable dos Centros Socioculturais, Concha Fernández, e pola coordinadora de socios da SGAE, Belén Yáñez.
MOCIDADE
"Elas tamén pintan" quere visibilizar as mulleres que traballan na arte urbana
A concelleira de Deporte, Mocidade e Benestar Animal, Noa Morales, presentou esta mañá a iniciativa Elas tamén pintan, xurdida do proceso de Orzamentos Participativos do 2017. Na rolda estivo acompañada das catro mozas responsables da iniciativa: Clara Rodríguez, Diana Rodeiro "Nana", Lara Torres e Eva Agra.
ALCALDÍA
TerraZeando leva de novo a música ao vivo a lugares singulares da cidade
O Concello de Santiago volve colaborar este ano co TerraZeando, un ciclo organizado polo colectivo Desconcierto Cultural que pretende aproveitar lugares especiais de Compostela como escenarios para a música en directo. O alcalde, Martiño Noriega, e o secretario da asociación, Álvaro Álvarez, presentaron este xoves o programa desta sexta edición, que se celebrará do 29 de xuño ao 27 de xullo.