DESENVOLVEMENTO ECONÓMICO
O I Salón Caroutlet Motorocasión exhibirá 400 vehículos en oferta do 27 ao 29 de maio
A concelleira de Igualdade, Desenvolvemento Económico e Turismo, Marta Lois, presentou esta mañá o I Salón Caroutlet Motorocasión, acompañada do seu director, José Enrique Elvira. O evento celebrarase o venres 27, o sábado 28 e o domingo 29 no recinto feiral de Amio e acollerá nun mesmo espazo os coches de ocasión de toda a área de Santiago.
DESENVOLVEMENTO ECONÓMICO
Santiago acollerá en xuño a 19ª Conferencia Europea de Matemáticas para a Industria
A concelleira de Desenvolvemento Económico e Turismo, Marta Lois, presentou no Pazo de Raxoi a 19ª Conferencia Europea de Matemáticas para a Industria (ECMI 2016), congreso europeo que se celebra cada dous anos e no que se presentan os avances máis importantes en matemática aplicada á industria, reunindo a representantes do ámbito científico, universitario e industrial de todo o continente.
CONSORCIO
O Consorcio de Santiago destinará este ano 100.000 euros en axudas para a mellora dos locais comerciais da cidade histórica
O Consorcio de Santiago celebrou esta mañá a súa Comisión Executiva, presidida polo alcalde da cidade e presidente do organismo interadministrativo, Martiño Noriega. No marco da xuntanza, aprobouse a convocatoria de axudas do Programa Localízate, dirixido á mellora da accesibilidade e da eficiencia enerxética, á mellora da imaxe exterior e ao acondicionamento interior dos locais comerciais da cidade histórica de Santiago. O Consorcio destinará este ano a este programa un total de 100.000 euros.
CONSORCIO
Alumnado da Escola de Altos Estudos Musicais ofrece este martes un novo concerto no Paraninfo da Universidade de Santiago
A Escola de Altos Estudos Musicais (EAEM) ten en marcha a iniciativa A Escola na Cidade, un ciclo de concertos de música de cámara interpretados polos alumnos e alumnas do Curso Avanzado de Especialización Orquestral do centro. A entrada a estas actuacións é gratuíta ata completar aforo.
EDUCACIÓN E CIDADANÍA
A Galería Sargadelos acolleu outras dúas sesións de contos para bebés
A Galería Sargadelos acolleu, no marco da XVI Campaña Municipal de Animación á Lectura, unha sesión de contos pensada especialmente para os nenos e nenas de 0 a 3 anos, acompañados das súas familias. O concelleiro de Educación e Cidadanía, Manuel Dios, deulle a benvida aos asistentes a esta xornada lúdica, denominada "Do berce á lúa: sesión de contos para bebés". Participou a Banda de Iniciación da Escola de Música.
XUNTA DE GOBERNO
O Concello de Santiago avanza cara a municipalización da ORA e do guindastre
A Xunta de Goberno acordou hoxe solicitarlle á empresa Tussa un estudo sobre a viabilidade de asumir a xestión directa da ORA e do guindastre. Trátase dun novo paso de cara á municipalización deses servizos públicos, despois de que os informes económicos e xurídicos encargados polo Executivo local avalaran esa posibilidade.
DEPORTE E TURISMO
Dous mil atletas populares tomarán as rúas de Compostela este sábado na SantYaGo10K
Este sábado celébrase a segunda edición de SantYaGo10K, a carreira nocturna de Santiago de Compostela, que reunirá a preto de 2.000 atletas populares de Santiago, Galicia e resto de España. A carreira comezará ás 22:30 horas en San Francisco. Os corredores comezarán a chegar á meta no Obradoiro a partires das 23:00 horas. A carreira repartirá máis de 1.700 euros en premios e 60 trofeos.
ALCALDÍA
Os traballadores municipais celebraron a festividade de Santa Rita de Casia
O alcalde compostelán, Martiño Noriega, recibiu no salón vermello os traballadores municipais, con motivo da celebración da súa patroa, Santa Rita de Casia.
EDUCACIÓN E CIDADANÍA
Recepción ao alumnado estremeño do programa de intercambio co IV Ciclo da USC
O concelleiro de Educación, Manuel Dios, recibiu os estudantes do I Intercambio do Programa Universitario de Maiores do IV Ciclo da USC coa Universidade de Estremadura.
CONSORCIO
Alumnas e alumnos da Escola de Altos Estudos Musicais de entre 5 e 14 anos darán un concerto mañá sábado no centro
Un total de 12 alumnas e alumnos da Escola de Altos Estudos Musicais, con idades comprendidas entre os 5 e os 14 anos, darán un concerto este sábado no propio centro. Toca o violín e o violoncello e interpretarán obras individuais e de conxunto, baixo a batuta do director da Orquestra de Nenos da Sinfónica de Galicia, Jorge Montes.