Noticias

A Xunta de Goberno aprobou a proposta da concelleira de Medio Ambiente, Elvira Cienfuegos, para que o Concello de Santiago solicite a cesión ao Adif dun tramo de vía férrea en desuso para a súa transformación en "Vía Verde". En palabras de Cienfuegos, "isto é un paso máis no camiño de conseguir a transformación destas vías abandonadas en elementos de goce para toda a cidadanía".

Como cada ano por estas datas, os rapaces e rapazas gañadoras do Concurso de Carteis de Nadal pasaron por Raxoi para recibir os seus premios. O alcalde compostelán, Xosé A. Sánchez Bugallo, e a concelleira de Educación, Guadalupe Rodríguez foron os encargados de entregar os agasallos en forma de xoguetes, consolas ou libros.

O concelleiro de Cultura, Néstor Rego, e o Mago Antón presentaron a gala Nadal Máxico. 2º Circuíto Galego da Maxia, que se celebra o venres 21 no Teatro Principal a partir das 20:30 horas. Os magos Antón, Romarís, Richard, Luis Manuel e Vituco serán os protagonistas desta actuación, destinada a un público familiar.

"Se sabes máis, consumes mellor", é o lema da campaña que con motivo das festas de Nadal pon en marcha a Oficina Municipal de Atención ao Consumidor (OMIC) do Concello de Santiago de Compostela. O obxectivo: fomentar o consumo razoable e responsable ofrecendo consellos xerais e todo o que necesitamos saber entorno a posibles reclamacións.

A Casa do Concello acolleu a tradicional recepción cidadá do Nadal, á que estaban convidadas persoas dos distintos sectores da sociedade compostelá.

O Proxecto Equal Compostela Social impulsou dende a seu nacemento, en novembro do 2005, a creación de 62 empresas na Mancomunidade de Compostela. Superouse, polo tanto, o obxectivo da concellaría de Promoción Económica do Concello de Santiago, que marcara en 50 empresas creadas ao abeiro do programa a meta a conseguir. Do total de empresas, 42 foron promovidas por mulleres e 20 por homes; 42 no Concello de Santiago; o resto nos de Ames, Brión, Teo, Val do Dubra e Vedra. E con respecto aos sectores de actividade, aínda que moi variados, os máis...

A concelleira de Urbanismo, Mercedes Rosón, asegurou que as proposta que a artista aragonesa está desenvolvendo en Fontiñas e Bonaval, coincide plenamente coa filosofía de ocupación do solo que defende o Concello de Santiago dende hai máis de vinte anos.

Remata o programa de visitas didácticas á exposición Santiago dC, na sede do antigo Banco de España, e faino co "obxectivo cumprido", segundo a concelleira de Educación, Guadalupe Rodríguez. Un total de 1.587 alumnos e alumnas, de 34 centros, achegouse a esta mostra.

Baixo o lema "ven deixar a túa pegada", a Concellería de Deportes e o Multiusos Fontes do Sar poñen a disposición de todos os cidadáns, outra edición mais, unha pista de xeo. O xoves 20 de decembro abrirase a pista no Recinto Feiral de Amio. Este ano, esta proposta lúdica chega con novidades en canto a lonxitude da pista, horarios e descontos.

Como cada ano por estas datas de Nadal, o alcalde recibiu aos traballadores do Concello que se xubilan en 2007. Sánchez Bugallo agradeceulles o seu labor durante tantos anos e entregoulles unha placa conmemorativa.