Noticias

O martes 30 de outubro inicia a súa visita a Compostela Peter David Lax, Premio Abel 2005, dentro do programa ConCiencia, organizado polo Consorcio de Santiago en colaboración coa Universidade.

Quince mulleres están recibindo formación como especialista en asistencia persoal. A acción formativa, de carácter gratuíto, enmárcase no Proxecto Persoa III que desenvolve a Concellaría de Promoción Económica, Emprego, Comercio e Turismo. O obxectivo do curso é formar especialistas capaces de dar resposta ás distintas necesidades de apoio que presentan as persoas con diversidade funcional, e que empezan a ser consideradas a partir da aplicación da Lei de Promoción da Autonomía Persoal e...

O concelleiro de Promoción Económica, Emprego, Comercio e Turismo, Xosé Manuel Iglesias, chega o 29 de outubro a Salvador de Bahía, procedente de Río de Janeiro. Entre os obxectivos da viaxe, organizada en colaboración co IPAEX (Instituto para a Proxección e a Análise Exterior), figura estabelecer relacións duradeiras cos axentes económicos, autoridades políticas, xestores turísticos e empresariado galego do Estado da Bahía; promocionar turisticamente Compostela nun contorno sensible cara o...

Unha edición máis, e xa van trinta, centos de persoas encheron as rúas de Compostela para vivir a Carreira Pedestre Popular Camiño de Santiago. O gañador nesta ocasión foi o keniano Silas Kipruto, cun tempo de 35 minutos e 9 segundos.

O alcalde de Santiago, Xosé A. Sánchez Bugallo, anunciou a solicitude ao Pleno municipal da concesión da Medalla de Ouro da cidade ao Museo do Pobo Galego. Fíxoo durante a súa intervención no acto de celebración do trixésimo aniversario da inauguración deste museo.

Coñecidas as partidas orzamentarias do Estado e da Comunidade Autónoma para Santiago, o alcalde manifestou a súa "satisfacción razoable" cos mesmos. Un único tema que segue a ter descontento a Sánchez Bugallo é a autovía a Lugo.

O alcalde compostelán, Xosé A. Sánchez Bugallo, reuniuse con membros da Asociación de Promotores de Santiago, aos que informou do estado en que queda o Plan Xeral de Ordenación Municipal tras a súa aprobación parcial pola Xunta. Nun prazo aproximado dun mes haberá outra reunión para informarlles de todos os cambios que lles afectan.

Os días 27 e 28 de outubro celébrase en Santiago de Compostela o VI Congreso Nacional de Radioafeccionados organizado pola Asociación de Radioafeccionados Pórtico da Gloria en colaboración ca Concellaría de Cultura, coa Liga Española de Asociacións de Radioafeccionados e CB, coa Federación Catalán de CB. Neste congreso, que presentaron o director de Comunicación da Asociación, Fernando Rodríguez de la Torre, e o concelleiro de Cultura, Néstor Rego, participarán asociacións de...

O stand de Turismo de Santiago na feira profesional "Exposiçao e Congresso Brasileiro de Agências de Viagens" (ABAV) de Rio de Janeiro (Brasil), a máis grande de América do Sur, recibiu a visita de preto de trina dos máis relevantes operadores brasileiros de viaxes cara a España.

Turismo de Santiago e a Cámara de Comercio organizan a viaxe de familiarización na que participan nove axentes de viaxe italianos, que promoverán a capital galega nos seus catálogos do 2008.