ACCIÓN CULTURAL
A compañía Kukai Dantza presenta "Oskara" dentro do ciclo Teatro & Danza
A compañía vasca Kukai Dantza chega mañá mércores a Compostela para presentar Oskara dentro do ciclo Teatro & Danza da Concellaría de Acción Cultural. Será a partir das 20:30 horas no Teatro Principal e, ao remate do espectáculo, os membros da compañía manterán un encontro co público presente na sala. As entradas teñen un prezo de 10 euros (5 euros cos descontos habituais) e poden mercarse en entradas.abanca.com, no 902 434 443.../em>
ALCALDÍA
Encontro en Raxoi co Club de Cans "Só lles falta falar"
O alcalde de Santiago, Martiño Noriega, e a concelleira de Mocidade, Deporte e Benestar Animal, Noa Morales, mantiveron un encontro con membros do Club de Cans "Só lles falta falar".
POLÍTICAS SOCIAIS
Avanza a atención en desafiuzamentos mediante convenios cos colexios de Avogados e Psicólogos
A concelleira de Políticas Sociais, Diversidade e Saúde, Concha Fernández, asinou hoxe dous novos convenios con entidades, nesta ocasión co Colexio Oficial de Psicoloxía de Galicia e co Colexio de Avogados de Santiago. Na sinatura estiveron presentes os seus decanos, María Rosa Álvarez e Evaristo Nogueira.
IGUALDADE
Minuto de silencio no Obradoiro pola última vítima da violencia machista
A praza do Obradoiro acolleu unha concentración para condenar o último asasinato machista, que deixou unha vítima este sábado en Granada.
TURISMO
"Santiago(é)tapas" celebra a súa IX edición convertido xa nun referente gastronómico e turístico
A concelleira de Igualdade, Desenvolvemento Económico e Turismo, Marta Lois, e o vicepresidente primeiro da Asociación Hostalería Compostela, Germán González, presentaron no Pazo de Raxoi a novena edición do concurso de tapas da cidade, Santiago(é)tapas, que terá lugar en Santiago de Compostela entre os días 17 de novembro e 4 de decembro.
POLÍTICAS SOCIAIS
Compostela acollerá a I Xornada sobre a situación das persoas sen fogar
Esta mañá, a concelleira de Políticas Sociais, Diversidade e Saúde, Concha Fernández, presentou en rolda de prensa a I Xornada sobre a situación das persoas sen fogar, que se celebrará este xoves 27 de outubro no Salón de Actos da Facultade de Filosofía da Universidade de Santiago de Compostela (praza de Mazarelos, s/n). Na rolda, a concelleira estivo acompañada por Santiago López Insua, coordinador de Cruz Vermella en Santiago; Patricia Camiña, responsable do Centro Vieiro de Cáritas en Compostela; Sor...
ESPAZOS CIDADÁNS
En marcha as obras da avenida de Coímbra
Esta mañá comezaron as obras de reforma da avenida de Coímbra, unha actuación que estará finalizada antes de que remate este ano 2016. Os traballos, financiados con cargo aos remanentes, contan cun orzamento de 60.434,24 euros, IVE incluído.
CONVIVENCIA
O Goberno desminte que se vaia sancionar ás nais e pais do CEIP Monte dos Postes
O concelleiro de Medio Ambiente e Mobilidade volveu desmentir hoxe que a Policía Local vaia iniciar unha campaña sancionadora na contorna do CEIP Monte dos Postes. Xan Duro saíu así ao paso das informacións falsas publicadas nos últimos días, despois que de o centro recibira unha chamada de orixe descoñecida avisando de que esta semana se empezaría a multar ás nais e pais que estiveran mal estacionados nas rúas próximas ao colexio, nos horarios de entrada e saída das aulas.
CONSORCIO
A Real Filharmonía celebra esta semana tres concertos en Vigo, Santiago e Lugo
A Real Filharmonía de Galicia celebra esta semana tres concertos. O primeiro será o mércores 26 no Teatro Afundación de Vigo, ás 20:30 horas. O xoves a orquestra actuará na súa sede, o compostelán Auditorio de Galicia, tamén ás 20:30 horas. E o venres, a agrupación desprazarase a Lugo, onde ofrecerá unha actuación no Círculo das Artes da cidade, ás 20:00 horas.
FACENDA
Mañá martes remata o prazo para votar nos orzamentos participativos Compostela Decide
Mañá martes ás doce da noite rematará o prazo para votar as propostas de investimentos que fixo a veciñanza para os orzamentos participativos Compostela Decide. Calquera persoa censada ou estudante en Santiago pode rexistrarse e votar na web, que explica polo miúdo como facelo. No caso de ser estudante, ademais do rexistro na web, é preciso enviar un correo electrónico a decide@santiagodecompostela.gal coa copia da matrícula no curso 2016/2017.