Noticias

En palabras do concelleiro de Promoción Económica, Comercio, Emprego e Turismo de Santiago, Xosé Manuel Iglesias, en xullo o aeroporto de Lavacolla demostrou unha vez máis o seu carácter de líder galego, superando en máis de 80.000 viaxeiros a Alvedro e en 70.000 a Peinador.

O concelleiro de Cultura e Centros Socioculturais, Néstor Rego, e a presidenta da Fundación Rosalía de Castro, Helena Villar Janeiro, asinaron un convenio no que se fixa a colaboración en diversos eventos de difusión da cultura galega. O Concello, que é patrón da Fundación, achega 7.000 euros.

Santiago de Compostela conta con 30 igrexas históricas. Estas foron levantadas ao longo dos séculos polo propio Arcebispado, a iniciativa das moitas ordes relixiosas presentes na cidade, ou como mostra de devoción das confrarías e dos composteláns máis adiñeirados. Turismo de Santiago, a través do seu operador, Compostur, invita a coñecer estes monumentos a través dunha visita guiada, novidade este verán e incluída nos "Compostela Walking Tours".

A Concellaría de Promoción Económica, Emprego, Comercio e Turismo destina 40.000 euros a incentivos para a creación de novas empresas en Santiago dentro do programa Compostela Activa 2007. O obxectivo do Departamento é axudar económicamente aos novos proxectos empresariais ou novos autónomos a consolidar os seus negocios.

Rematou o Festiclown, pero chega o Festival D’Gorra. Na súa cuarta edición, o circo convértese de novo en protagonista nas rúas e prazas de Compostela. Do 14 ao 26 de agosto, vintecatro compañías amosarán todo o seu repertorio en contacto directo co público. O divertimento está asegurado.

A Concellaría de Promoción Económica, Emprego, Comercio e Turismo emitíu dende maio 19 certificados para que comecios e empresas podan acollerse aos descontos en publicidade que os medios de comunicación local ofertan a través do Programa de fomento e investimento en publicidade e promoción comercial. O obxectivo da Concellaría é potenciar o uso da publicidade entre comercios e empresas coma un investimento rendible.

Os turistas e cidadáns composteláns volverán a contar desde o martes 14 de agosto co tren turístico, segundo informou Turismo de Santiago.

A primeira semana de Feitoaman remata cunha fin de semana de ampla variedade en canto a estilos musicais. O funky, o jazz, a música tradicional galega e mesmo unha performance teatral alternaranse nas rúas e prazas da zona histórica.

Varias asociacións españolas pola igualdade percorrerán o Camiño entre Santiago e Muxía entre o xoves 9 e o domingo 12 de agosto. Á fronte desta expedición está a Asociación Teense pola Igualdade. As súas integrantes foron recibidas en Raxoi pola concelleira Mercedes Rosón.

O 10 de setembro remata o prazo de presentación de proxectos para o Concurso de Imaxinación máis Comercio (I+C), organizado pola Concellaría de Promoción Económica, Emprego, Comercio e Turismo. Con este certame prémiase o esforzo innovador no pequeno comercio, achegando medios financieiros para que os estabelecementos comerciais poidan desenvolver estratexias personalizadas de comunicación e mercadotecnia.