CULTURA
Comeza o ciclo musical Composjazz coa actuación do grupo Ficções
Compostela acollerá durante dous meses o Composjazz, un ciclo musical que traerá á nosa cidade os mellores intérpretes do panorama do jazz galego e español. O programa, organizado pola Concellaría de Cultura, coa colaboración da Fundación Caixa Galicia, foi presentado polo concelleiro de Cultura, Néstor Rego, o xerente do Auditorio, Pablo Rodríguez e Patricia Maceira, da Fundación Caixa Galicia.
MULLER
Os 3.000 euros do Premio Xohana Torres destinaranse ao Cottolengo
O Concello celebrou o Día Internacional da Muller cunha recepción aos colectivos composteláns que traballan a prol da muller. Antes, o alcalde compostelán, Xosé A. Sánchez Bugallo comunicou que por segundo ano consecutivo, quedou deserto o Premio de investigación Xohana Torres. A contía do premio, 3.000 euros, destinarase ao Cottolengo.
FUNDACIÓN GRANELL
Unha bufanda para lembrar a Valle-Inclán
A Fundación Eugenio Granell dedícalle un programa de actividades ao insigne escritor galego Ramón María del Valle-Inclán. Comezou o 7 de Marzo, data de regreso de Valle a Compostela, coa realización do acto simbólico de colocación dunha bufanda vermella na escultura do escritor na Alameda de Santiago.
AUDITORIO DE GALICIA
A pianista rusa Valentina Igoshina chega a Santiago para acompañar á Real Filharmonía de Galicia
O mestre Ros Marbá ponse de novo ao fronte da Real Filharmonía nun concerto protagonizado pola pianista rusa Valentina Igoshina, que interpretará o "Concerto para piano nº 21", de Mozart. Será o xoves 8, nun novo concerto do programa de abono do Auditorio de Galicia.
CULTURA
O Molière máis divertido da man de Teatro do Morcego
Chega ao Teatro Principal outra obra de Molière, esta vez da man de Teatro do Morcego. Esta vez represéntase, os días 8 e 9 de marzo, "O burgués fidalgo", una sátira na que o dramaturgo francés critica aos novos ricos que desexan aparentar o que non son.
EDUCACIÓN
O Programa de educación pola mobilidade segue a concienciar sobre hábitos viarios seguros aos alumnos de cuarto de primaria
Continúan a desenvolverse as sesións didácticas do Programa de educación pola mobilidade, organizadas pola Concellería de Educación e Mocidade en colaboración coa Fundación RACC. Esta iniciativa, na que participarán 262 alumnos de 11 centros de ensino, forma parte á súa vez do programa municipal "Onde está o perigo".
BENESTAR SOCIAL
Santiago, a primeira cidade de España en recibir o premio Reina Sofía de Accesibilidade
O alcalde, Xosé A. Sánchez Bugallo, viaxou a Madrid para recoller o Premio Reina Sofía de Accesibilidade 2006 que se concede este ano por primeira vez a poboacións. Compostela acadou o galardón na máxima categoría, que premia a cidades de cen mil habitantes en adiante.
CINEMA
Curtocircuíto consolídase como referente da proxección internacional de Compostela
Chega unha nova edición de Curtocircuíto, o Festival Internacional de Curtametraxes de Santiago de Compostela, consolidado xa como un dos referentes na proxección internacional da nosa cidade. Con esta edición de 2007 o evento aspira a confirmar tamén o seu papel no panorama do cinema internacional, particularmente no xénero da curtametraxe.
UMAD
A UMAD pon en marcha un taller sobre sexualidade e saúde
A Unidade Municipal de Atención a Drogodependentes vai poñer en marcha os vindeiros días 13, 14 e 15 de marzo o obradoiro "Sexualidade e Saúde", dirixido ao colectivo de gais e lesbianas. Estará encamiñado a promocionar hábitos saudables e medidas de prevención de VHI e ETS.
EDUCACIÓN
Inicio do Programa de concertos didácticos de música tradicional
Un grupo de alumnos de primaria dos colexios Pío XII e López Ferreiro serán os primeiros en participar, o mércores 7, no Programa de concertos didácticos de música tradicional. Este programa achegará este tipo de música aos centros de ensino a tradición musical galega.