Noticias

O concelleiro de Promoción Económica, Emprego, Comercio e Turismo, Xosé Manuel Iglesias, presentou aos tres premiados na edición de Nadal do IV Concurso Municipal de Escaparatismo "SCQ Shopping". En primeiro lugar clasificouse o estabelecemento Seguridade A-1, en segundo lugar quedou a tenda de decoración Kosas de Kasa Interiorismo, e o terceiro premio foi para a xoiaría Xanana. Á edición de nadal do concurso presentáronse 53 estabelecementos comerciais, de sectores tan diversos como téxtil, pel, calzados,...

A penúltima sesión da Xunta de Goberno Local deste 2007 tivo como principais puntos da orde do día a adxudicación do subministro e instalación de semáforos na praza de Puente Castro, así como a proposta da Alcaldía de encomendar ao Consorcio de Santiago a formulación da proposta de candidatura de Compostela para participar cunha mostra na Exposición Universal de Shangai de 2010. Dentro das urxencias, acordouse proceder ao pago das subvencións destinadas ao fomento de actividades culturais do ano 2007.

O alcalde compostelán, Xosé A. Sánchez Bugallo, e o presidente da Deputación da Coruña, Salvador Fernández Moreda, asinaron no Pazo de Raxoi o convenio polo que se financian os gastos de persoal e funcionamento do parque comarcal de bombeiros de Santiago, que da servizo tamén aos concellos de Ames, Boqueixón, Brión, Padrón, Rois, Teo, Val do Dubra e Vedra.

A concelleira de Medio Ambiente, Elvira Cienfuegos, e o presidente de "Augas de Galicia" Jorge Antonio Santiso Blanco presentaron o resultado dos traballos de limpeza desenvolvidos no río Sarela e no río Sar. Xuntos visitaron a zona do Muiño do Lermo, no río Sarela, para mostrar como ten ficado a ribeira do río despois desta actuación.

O Consello de Administración de Tussa aprobou hoxe a proposta de tarifas para os aparcadoiros para o 2008, así como a proposta de tarifas da estación de autobuses para o ano que entra e o inicio do proceso de selección para a contratación dun novo xerente, entre outros asuntos de orde interna.

O alcalde compostelán valorou a saída a concurso da segunda fase do colector xeral entre Pontepedriña e a Silvouta, e a inminente saída a licitación do paso inferior do Hórreo. Deste xeito, a primeiros de 2008 iniciaranse dous proxectos que Sánchez Bugallo considera claves para a cidade e nos que "todo está encamiñado".

A cidade de Santiago foi recomendada pola UNESCO, membro do xurado do Comité organizador da Expo Shanghai 2010, como candidata a estar presente cun espazo propio na área reservada á presentación das mellores prácticas urbanas do mundo.

Raxoi acolleu un pleno monográfico sobre o fenómeno do botellón, nunha convocatoria extraordinaria solicitada polo Partido Popular. A sesión concluíu cunha votación na que se rexeitou a creación dunha comisión municipal especial para tratar este tema.

Os concelleiros de Educación, Guadalupe Rodríguez; de Deportes, Andrés Fariña; e de Mocidade, Xosé Baqueiro, presentaron Nadalxogo 2007. Do xoves 27 de decembro ao venres 4 de xaneiro (agás o 31 de decembro), en horario de 17:00 a 21:00 horas,os máis novos teñen unha cita no multiusos Fontes do Sar, onde atoparán unha atractiva oferta de actividades.

Os traballadores do Concello participaron na tradicional recepción de Nadal, na que o alcalde, Xosé A. Sánchez Bugallo, e o resto da Corporación lles desexaron a todos un bo Nadal e un próspero 2008.