EDUCACIÓN
Educación achega a Constitución aos máis pequenos no seu 34º aniversario
A concelleira de Educación, Rebeca Domínguez, participou no acto de conmemoración do 34º aniversario da Constitución organizado polo Concello no CEIP Monte dos Postes. Nenos e nenas de primaria leron artigos do texto e a concelleira repartiu exemplares entre os escolares.
MEDIO RURAL E URBANISMO
Levántase a suspensión de concesión de licenzas en catro zonas no ámbito do Camiño
A entrada en vigor o sábado 8 de decembro do decreto autonómico polo que se aproba a delimitación do Camiño Francés no concello de Santiago permitirá levantar a suspensión de concesión de licenzas en catro zonas do municipio situadas no ámbito desta ruta: Lavacolla, San Marcos, Ponte San Lázaro e San Paio. Isto será posible en virtude dunha disposición transitoria incluída na norma a solicitude do Concello de Santiago.
URBANISMO
Licitada a concesión de uso para a xestión dun bar-cafetería no quiosco da Alameda
O Boletín Oficial da Provincia (BOP) do 5 de decembro publicou a licitación da concesión de uso privativo do dominio público municipal para a explotación de bar-cafetería no quiosco do paseo alto da Ferradura, na Alameda de Santiago. Os interesados teñen ata o 20 de decembro para presentar as súas propostas.
ALCALDÍA
Unha exposición amosa en Fontiñas as cinco décadas de vida da S.D. Compostela
O alcalde compostelán, Ángel Currás, e varios membros da Corporación asistiron á inauguración da exposición con motivo do 50 aniversario da S.D. Compostela instalada no Centro Sociocultural das Fontiñas.
ALCALDÍA
A cidade renovou o voto a San Nicolás
O alcalde compostelán, Ángel Currás, e boa parte da Corporación, asistiron aos actos celebrados na ibrexa de San Paio de Antealtares con motivo do voto da cidade a San Nicolás de Bari.
NORMALIZACIÓN LINGÜÍSTICA
Os Reis Magos convidan os nenos e nenas a pedir os seus desexos para a lingua galega
A concelleira de Normalización Lingüística, Rebeca Domínguez, presentou o concurso Carta aos Reis Magos, destinado a promover o uso da lingua galega nestas datas de Nadal. Os propios Reis Magos motivarán os rapaces para que na súa carta formulen os seus desexos para o idioma.
XUVENTUDE
A quinta edición do certame MúsicaXove xa ten os seus sete finalistas
O MúsicaXove’12, certame organizado pola Concellaría de Xuventude, xa ten seleccionados os seus finalistas. Son 7 grupos elixidos entre as 44 propostas iniciais de toda Galicia: 26 bandas de pop-rock, 8 de metal e 10 doutras músicas. As finais celebraranse o xoves 20 de decembro, a partir das 21:30 horas, na Sala Capitol.
ALCALDÍA
As obras nas beirarrúas do Ensanche comezarán despois do Nadal
O alcalde compostelán, Ángel Currás, e a concelleira de Comercio, Reyes Leis, recibiron o presidente da Fundación Santiago Centro, José María Fernández, e a José Luis Pintos, membro da Fundación. Con eles falou de diversos aspectos que afectan ao comercio do Ensanche compostelán, como a implantación dos novos parquímetros da ORA, as obras en determinadas beirarrúas ou a campaña de Nadal.
FESTAS
Máis alumeado de Nadal a menor prezo
A Xunta de Goberno Local adxudicou o contrato de iluminación pública de Nadal, que este ano chegará por primeira vez ao rural e tamén a máis rúas da cidade. Está previsto que o alumeado poida acenderse dous ou tres días antes do inicialmente previsto, o 21 de decembro.
BENESTAR SOCIAL
O Portal das Asociacións dará visibilidade, publicidade e asesoramento ás entidades e redes sociais de Compostela
A concelleira de Benestar Social, Paula Prado, presentou un proxecto de apoio ao sector asociativo, que permitirá a creación do Portal das Asociacións, integrado na web municipal Compostela Integra. Aquí, as redes e entidades sociais do municipio poderán ter un espazo no que dar a coñecer as súas actividades e un instrumento para atopar asesoramento.