EMPREGO
Máis de 200 persoas presentan a solicitude para participar no programa de inserción laboral Persoa IV
Un total de 228 persoas presentou a solicitude para participar no programa de inserción laboral Persoa IV, que desenvolve a Concellaría de Promoción Económica, Emprego, Comercio e Turismo. Das inscricións presentadas ata o 10 de xaneiro, cando rematou o prazo de inscrición, 179, o 78,5% son de mulleres.
MEDIO AMBIENTE
Máis de mil propietarios das parroquias de Sabugueira e Carballal recibiron os seus títulos da concentración parcelaria
A concelleira do Medio Ambiente, Elvira Cienfuegos, acompañou ao director xeral de Estruturas e Infraestruturas Agrarias, Xosé Carballido Presas, na entrega de títulos de concentración parcelaria das parroquias da Sabugueria e Carballal. No total son 1.185 propietarios que acceden definitivamente ás 2.803 fincas resultantes deste proceso.
ALCALDÍA
O Concello potenciará a obra pública en 2009 para combater o paro e fomentar a actividade económica
Na súa primeira rolda de prensa de 2009, o alcalde, Xosé A. Sánchez Bugallo, fixo un repaso das principais obras que se desenvolverán na cidade ao longo deste ano. Segundo indicou, a actuación municipal neste campo pretende potenciar sobre todo a obra pública para combater o paro e fomentar a actividade económica"
ALCALDÍA
O concello cederá un terreo a FEAFES Galicia para a construción dun centro de atención integral aos enfermos mentais
O alcalde compostelán, Xosé A. Sánchez Bugallo, recibiu esta mañá en Raxoi ao presidente da Federación de Asociacións de Familiares e Enfermos Mentais de Galicia (FEAFES Galicia), Xosé Ramón Girón García. Nesta xuntanza, a Federación plantexou a súa intención de construír en Santiago un centro de atención integral a este tipo de enfermos que de servizo a toda Galicia. O alcalde comprometeuse a buscar e ceder un terreo para este centro.
EDUCACIÓN
O Eixo Atlántico aposta polas cidades educadoras
A concelleira de Educación, Guadalupe Rodríguez, presidiu esta mañá a xuntanza da Comisión de Desenvolvemento Social do Eixo Atlántico, celebrada no Auditorio de Galicia. Na reunión, á que asistiron representantes das 34 cidades integradas nesta rede, presentouse o estudo "O Eixo Atlántico: un territorio educador, unha comunidade educadora", realizado polas universidades de Santiago, A Coruña, Minho e Tras-os-montes Alto Douro.
TURISMO
"Santiago Repetirás" trae á cidade a cociña do inverno en forma de menús e tapas
Santiago Repetirás comeza o 2009 enchendo a cidade de menús e tapas de cociña de inverno. Tras dedicar os meses de novembro e decembro á cociña do outono, 36 estabelecementos de hostalaría da cidade ofertan ata marzo menús ou tapas temáticos elaborados con produtos do inverno, prestando unha atención especial á cociña de culler, con cocidos, potaxes, callos...
EMPREGO
Máis de 900 persoas inscribíronse en 2008 na Plataforma de Intermediación Laboral da Concellaría de Promoción Económica
Un total de 904 persoas inscribiuse en 2008 na base de datos da Bolsa de Emprego da Concellaría de Promoción Económica, Emprego, Comercio e Turismo. Neste momento hai introducidas na Plataforma de Intermediación Laboral 1.959 solicitudes, tanto de persoas desempregadas como de persoas que buscan mellorar as súas perspectivas laborais.
ALCALDÍA
As rúas Penamaría e Pilar Miró mudan a súa cara con novas beirarrúas e servizos
O alcalde compostelán, Xosé A. Sánchez Bugallo, visitou as obras de remodelación das rúas Penamaría e Pilar Miro, en San Lázaro. O Concello investiu 326.961 euros nestas obras, que supuxeron a creación de novas beirarrúas e calzadas, o arranxo da rede de pluviais e a instalación de diverso mobiliario urbano.
REFORMA ADMINISTRATIVA
Dous plans directores permitirán ao Concello seguir avanzando no acceso electrónico dos cidadáns aos servizos públicos
A concelleira de Reforma Administrativa, Rosa Fernández Somoza, explicou os plans do seu departamento para seguir avanzando no acceso electrónico dos cidadáns aos servizos públicos. Estes proxectos concrétanse a través de dous plans directores, que darán como resultado unha maior accesibilidade e navegabilidade do portal web, a renovación da intranet municipal, a integración das aplicacións informáticas do Concello e unha serie de proxectos específicos.
DEPORTES
Continúa aberta ata o 25 de xaneiro a pista de xeo
Rematou o Nadal, pero non a posibilidade de seguir patinando sobre o xeo. Ata o 25 de xaneiro estará aberta a pista habilitada en Amio. Ademais, o Concello facilita un ano máis a iniciación á patinaxe sobre xeo cunha campaña escolar entre o 12 e o 22 de xaneiro.