COMERCIO
Promoción Económica e a Deputación da Coruña ultiman a aplicación do Plan Estratéxico do Comercio
O concelleiro de Promoción Económica, Emprego, Comercio e Turismo, Xosé Manuel Iglesias, vén de manter unha entrevista co vicepresidente da Deputación da Coruña, Pablo Villamar, na que se estudou o convenio de colaboración que se asinará para a aplicación do Plan Estratéxico do Comercio Compostelán, que ten como obxectivo fortalecer o sector para facelo máis dinámico e competitivo.
CULTURA
A compañía de danza Gelabert Azzopardi pon en escena "Sense Fi" e "Conquassabit"
Presentouse ante os medios de comunicación o espectáculo de danza contemporánea que a compañía Gelabert Azzopardi vai ofrecer no Auditorio de Galicia o sábado 16 de maio, ás 21:00 horas.
DEPORTES
O alcalde deséxalle éxitos á selección española feminina de baloncesto no Campionato de Europa
O alcalde compostelán recibiu en Raxoi á selección de España de Baloncesto Feminino, que se enfrontará a Cuba o domingo 17, ás 18:00 horas, no Multiúsos Fontes do Sar.
TURISMO
O Consello Sectorial de Turismo reunirase o 26 de maio
O Consello Sectorial de Turismo do Concello de Santiago, composto polos diferentes axentes vinculados co sector turístico da cidade, reunirase o 26 de maio no Auditorio de Galicia. A Concellaría de Promoción Económica e Turismo promoveu a súa constitución, que foi aprobada pola totalidade do Pleno municipal. O Consello está concebido como un foro no que todos os axentes vinculados co sector podan dialogar, colaborar e asesorar na política turística municipal.
FESTAS
As Festas da Ascensión acollen o primeiro campionato de skate con exhibición de profesionais
O concelleiro de Festas, Xosé Baqueiro, presentou en rolda de prensa o primeiro campionato CompostelaSkate’09, que se celebrará o venres 22 e o sábado 23 das Festas da Ascensión na explanada da Alameda. No acto estivo acompañado por dous membros do colectivo Cultura Urbana, Alberto Muíños e Marcos Cardero, ademais dunha ampla representación do movemento urbano, con Dj, skates, breakers e graffiteiros que realizaron unha exhibición por todo o alto no parque da Constitución.
ALCALDÍA
O alcalde salienta a calidade da oferta educativa do novo Colexio Peleteiro
O alcalde compostelán, Xosé A. Sánchez Bugallo, visitou as novas instalacións do Colexio Peleteiro en Montouto, acompañado do director do centro, Luis Peleteiro. A obra avanza a bo ritmo, co obxectivo de que estea operativa en xuño, para atender diversos cursos de verán, e lista para comezar o curso 2009-2010.
REHABILITACIÓN E CIDADE HISTÓRICA
A reurbanización da rúa de Belvís potenciará o miradoiro para o uso público e ampliará o espazo de beirarrúas
A concelleira da Cidade Histórica e Rehabilitación, Olga Pedreira, presentou o proxecto de reurbanización previsto para o entorno do miradoiro e da rúa de Belvís. A potenciación do miradoiro como espazo público e a ampliación do espazo de beirrarúas son algúns dos aspectos destacados da intervención.
CULTURA
As letras galegas únense á rede internacional de liberación de libros a través dunha web
Presentouse en Raxoi a web www.libro-libre.org coa, que a literatura galega e en galego se suma á rede "Bookcrossing", que promove a liberación de libros a nivel mundial. Este acto inscríbese na programación de A Revolta das Letras, una iniciativa que pretende por en valor a cultura galega e en galego.
ALCALDÍA
Sánchez Bugallo anima aos composteláns a aprender coa arte de Tarsila do Amaral
O alcalde compostelán, Xosé A. Sánchez Bugallo, asistiu á inauguración da exposición Tarsila do Amaral na Fundación Caixa Galicia. Esta mostra, comisariada por Juan Manuel Bonet, permanecerá en Compostela ata o 31 de xullo.
EMPREGO
O alumnado da primeira quenda do programa Persoa IV comeza o período de prácticas
Os 55 alumnos da primeira quenda programa de inserción laboral Persoa IV, que desenvolve a Concellaría de Promoción Económica, Emprego, Comercio e Turismo, remataron o período de formación nas catro especialidades cursadas. Comezan agora a fase de prácticas en 30 entidades e empresas da zona de Santiago.
