Noticias

O pregoeiro das Festas do Apóstolo, Boris Izaguirre, foi recibido polo alcalde compostelán, Xosé A. Sánchez Bugallo, unhas horas antes de dirixirse a todos os composteláns. O venezolano, expresou a súa ledicia por ser escollido para esta tarefa.

As Festas do Apóstolo 2008 botaron a andar co pregón de Boris Izaguirre. Na súa intervención ante o numeroso público que ateigaba a praza do Obradoiro, o escritor e presentador compostelán lembrou a súa vinculación con Santiago, cidade á que chegou en 1992, con 26 anos.

Nos catro primeiros días de Ferradura Aberta 2008, pasaron pola Alameda 6.805 nenos. Isto deixa unha media diaria de 1.700 participantes.

A concelleira de Rehabilitación e Cidade, Olga Pedreira, mantivo a súa primeira xuntanza coa conselleira de Vivenda e Solo, Teresa Táboas. Nesta reunión, na que tamén estivo presente a tenenta de alcalde do Concello e anterior concelleira de Rehabilitación, Socorro García Conde, acordaron un convenio de colaboración para a reurbanización do espazo público en tres áreas do Casco Histórico.

O novo xefe da Forza Loxística Operativa do Noroeste, o tenente xeneral José Luis López Rose, foi recibido en Raxoi polo alcalde compostelán. Xosé A. Sánchez Bugallo deu a benvida e ofreceulle a colaboración municipal no seu labor.

O concelleiro de Promoción Económica e Comercio, Xosé Manuel Iglesias, presentou os tres comercios premiados na edición de verán do V Concurso Municipal de Escaparatismo SCQ Shopping. En primeiro lugar clasificouse o estabelecemento de decoración Andrómenas, gañador anual do certame no ano 2006. En segundo lugar quedou a tenda de marroquinería Media Lúa, gañadora anual do concurso no ano 2007. E o terceiro premio foi para a xoiaría Xanana, terceira clasificada na edición de Nadal do 2007.

As Festas do Apóstolo arrancan venres, día 18, coa lectura do pregón, que correrá a cargo do escritor e presentador Boris Izaguirre. O venezolano garda unha estreita relación coa cidade de Compostela, tanto persoal como profesional, pois foi na capital galega onde comezou a súa carreira nos medios de comunicación españois, no programa Compostela Sol y Luna.

Mú (Temos moito que dicir). Creadores no país das vacas é o nome da mostra que se inaugura o xoves 17 na Casa da Parra, organizada pola Concellaría de Cultura e a Consellería de Cultura a partir dunha iniciativa do xornal Galicia Hoxe.

O Consorcio de Santiago presentou na Catedral o libro "El manuscrito de fray Bernardo Foyo y el plano de fray Plácido Caamiña ", de Paula Pita Galán, baseado nun manuscrito do século XVIII.

Na Fundación Granell, o alcalde compostelán, Xosé A. Sánchez Bugallo, inaugurou a exposición Susana Wald e Ludwing Zeller: diálogo.