IGUALDADE
Minuto de silencio polas últimas vítimas mortais da violencia machista
A praza do Obradoiro acolleu un minuto de silencio para condenar os últimos asasinatos machistas, os das tres mulleres (unha nai e dúas fillas) acontecidos este pasado luns en La Orotava (Tenerife).
FESTAS
A Banda Municipal de Música celebra no Apóstolo o seu 170 aniversario
A Banda Municipal de Música de Santiago vai ofrecer ata catro concertos nas festas do Apóstolo, nas que vai celebrar novamente o seu 170 aniversario. En dúas das súas actuacións, a formación que dirixe Casiano Mouriño farase acompañar polas agrupacións de baile e música tradicional de Compostela e pola Gallaecia Big Band.
FACENDA
Un total de 241 propostas veciñais pasan á 2ª fase dos orzamentos participativos
O pasado luns rematou a primeira fase dos orzamentos participativos, na que se achegaron numerosas propostas para realizar investimentos en cidade, no rural, nas zonas leste e noroeste, así como actividades para a Mocidade e as festas do Apóstolo.
MOBILIDADE E FESTAS
O Concello pon en marcha un servizo de bus nocturno durante o Apóstolo
O Concello de Santiago pon en marcha un servizo de bus nocturno durante as festas do Apóstolo, nun proxecto que se enmarca no proceso de Orzamentos Participativos Compostela Decide. O reforzo funcionará dende a noite do sábado 21 ata a noite do 31 de xullo.
FESTAS
Os pases para os concertos de Rubén Blades e Rosalía poderanse retirar no Teatro Principal a partir do sábado
As entradas para os concertos que Rubén Blades e Rosalía ofrecerán na praza da Quintana no marco das festas do Apóstolo poderanse retirar na billeteira do Teatro Principal a partir do próximo sábado. Os pases serán de balde, pero por motivos de organización do aforo o Concello recomenda a súa retirada previa.
PLENO
Santiago insta ao Concello de Teo e á Xunta a evitar a instalación da planta de residuos da Casalonga
O Pleno da Corporación aprobou hoxe unha declaración institucional na que mostra o seu apoio á Plataforma Casalonga Limpa de Residuos e insta ao Concello de Teo e á Xunta a adoptar as medidas necesarias para evitar a instalación dunha planta de reciclaxe de residuos neste lugar do municipio de Teo. Ao tempo, o Concello de Santiago expresa a súa preocupación polos efectos medioambientais e o impacto na poboación que puidera ter ese proxecto.
ALCALDÍA
O alcalde recibe a Nerea Barros antes do pregón co que esta noite comezan as festas do Apóstolo
A actriz Nerea Barros visitou esta mañá o Pazo de Raxoi, horas antes de pronunciar o pregón co que esta noite comezan as festas do Apóstolo. A intérprete compostelá foi recibida polo alcalde, Martiño Noriega, que lle agradeceu "o sí inmediato que deu cando se lle fixo o convite, e o orgullo co que sempre leva o nome de Santiago".
ACCIÓN CULTURAL
O Pazo de Raxoi, escenario dunha acción do artista Fermín Jiménez Landa
O Pazo de Raxoi foi este mediodía escenario dunha acción enmarcada no taller que Fermín Jiménez Landa está a dirixir no Centro Galego de Arte Contemporánea, baixo o nome "Facer dúas veces". Nel, o artista navarro está a recrear diferentes performances que son referenciais na historia da arte, para revivir as reflexións que xeraron sobre a vida cotiá, os límites do espazo público ou a convivencia nas cidades.
FESTAS
A Real Filharmonía de Galicia e o grupo compostelán de jazz Sumrrá xúntanse nun concerto no Apóstolo
A Real Filharmonía de Galicia participa un ano máis nas celebracións das festas do Apóstolo. A praza da Quintana acollerá mañá xoves, 19 de xullo, un concerto dirixido polo mestre titular da agrupación, Paul Daniel, ás 21:00 horas. A RFG tocará xunto ao grupo compostelán de jazz Sumrrá, na que será a estrea absoluta do seu proxecto Sumrrá sinfónico. As entradas para as cadeiras, que eran gratuítas previa retirada da invitación na billeteira do Teatro Principal, xa...
MEDIO AMBIENTE
O CIAC acolle un coloquio e un obradoiro sobre as alternativas aos plásticos
Durante este mes de xullo, o Centro de Interpretación Ambiental de Compostela celebra o Día Internacional libre de bolsas de plástico (3 de xullo). Neste marco, o venres 20 de xullo, ás 18:30 horas, acolle unha charla coloquio titulada "Na procura de alternativas: vivir sen plásticos" e un obradoiro de elaboración de bolsas de tea.