Noticias

O martes 23 abre as suas portas a VIII Escola Municipal de Verán, cuxas actividades se prolongarán, na súa edición de xuño, ata o día 30. Este programa, ademais dunha completa oferta lúdica e educativa, está na liña da Concellería de Educación para conciliar a vida laboral e familiar. A principal novidade deste ano é que se suma á iniciativa o CEIP López Ferreiro, substituíndo ao Quiroga Palacios, que está en obras.

O Concello de Santiago de Compostela condenou firmemente o último atentado da banda terrorista ETA e sumouse á convocatoria da FEMP dunha concentración silenciosa de cinco minutos na Praza do Obradoiro en repulsa por este atentado que lle custou a vida ao inspector xefe da Brigada da Policía Nacional en Bilbao, Eduardo Puelles García.

O investimento do Ministerio de Fomento neste proxecto supera os 160 millóns de euros. A nova área terminal contará cun edificio de máis de 74.000 metros cadrados e un aparcamento para 3.700 vehículos

A rexeneración do Monte de Deus permitiu recuperar esta área para o disfrute dos cidadáns. Dende aquí, un mirador permite agora disfrutar dunhas vistas privilexiadas de Santiago.

A Concellería de Benestar Social, xunto con 15 entidades de iniciativa social do municipio de Compostela, veñen de asinar a creación da Rede de Inserción Sociolaboral de Santiago de Compostela. Esta entidade xorde co obxectivo último de mellorar a coordinación entre as entidades e as posibilidades de inserción dos colectivos en risco de exclusión da cidade.

O domingo 21 de xuño celébrase o Día Europeo da Música. Esta cita levará a música ás rúas e prazas de Compostela, ao Casino de Santiago e ao Hospital Clínico, nunha xornada que serve para dar a benvida ao verán.

Presentouse no Parque de Belvís o programa da segunda edición de Vive o Verán!, unha iniciativa das concellarías de Cultura e Centros Socioculturais e Medio Ambiente, que ofrece un amplo abano de actividades ao aire libre para todos as idades. A programación iníciase o sábado 20 coa celebración da Feira do Sol na Alameda e unha romaría no Local Sociocultural de Cesar, e prolongarase durante os meses de xullo e agosto.

1.356 empresas de Santiago e comarca colaboran co Servizo Municipal de Intermediación Laboral da Concellaría de Promoción Económica, Emprego, Comercio e Turismo. Os datos destas entidades, todas elas fidelizadas, están no aplicativo informático do servizo, denominado Plataforma de Intermediación Laboral, no que tamén hai inscritas 2.643 persoas, entre demandantes de emprego e traballadores/as que buscan mellorar as súas expectativas laborais.

Santiago de Compostela celebra o seu II Concurso Santiago(é)Tapas. Do 25 de xuño ao 12 de xullo, composteláns e visitantes poderán lanzarse a percorrer cinco rutas, con 50 locais competidores, 109 tapas para degustar e votar, e moitos premios nesta orixinal peregrinación. Que ninguén quede sen o seu Tapasporte, a credencial que permite reunir os selos do bo comer na capital gastronómica galega.

Co remate o curso escolar, chega unha nova edición, e xa van oito, da Escola Municipal de Verán, cunha primeira entrega os días 23, 24, 25, 26, 29 e 30 de xuño. Este programa, ademais dunha completa oferta lúdica e educativa, está na liña da Concellería de Educación para conciliar a vida laboral e familiar. A principal novidade deste ano é que se suma á iniciativa o CEIP López Ferreiro, substituíndo ao Qurioga Palacios, que está en obras.